باقة أمثال سورية ذات معنى قوي

هل تريد أمثال سورية ذات معنى قوي لاستخدامها في أحاديثك؟ جمعنا تشكيلة أمثال شامية مُضحكة وعن الزواج والطلاق والصداقة والنساء والأكل.

أحلى أمثال سورية ذات معنى قوي

تنتشر مؤخراً أمثال سورية ذات معنى قوي على لسان سكان الوطن العربي، فما رأيك في التعرُّف عليها؟! إليك أكبر قائمة أمثال شعبية سورية تستحقّ القراءة:

• الإجر بتدب مطرح ما بتحب.
• إذا دام العتاب دام الوداد.
• إن الطيور على أشكالها تقع.
• بيت الضيق يسع ألف صديق.
• رب أخ لك لم تلده أمك.
• شرط الإلفة عدم الكلفة.
• شرط المرافقة الموافقة.
• صديقك من صدقك لا من صادقك.
• صديق المايدة ما منه فايدة.
• عدو عاقل خير من صديق جاهل.
• كرمال عين تكرم مرج عيون.
• لا تدع على صاحبك بالسعادة بتخسره.
• الآباء يأكلون الحصرم والأبناء يضرسون.
• ابن الأربعة ربعوه وإنْ ما جلس اضربوه وبنت الستة ستتوها وإنْ ما جلست لا تغصبُوها.
• ابن الكبر والشيب دلاله مش عيب.
• ابن الليلة بيفهم بالشيلة.
• ابنك وهو صغير وردة تشمّه لما يكبر خي تداريه ولما يتزوج جار تشوفيه.
• آخر العنقود سكر معقود.
• إذا كان ربّ البيت في الطبل ضارباً فشيمة أهل البيت كلهم الرقص.
• الأقربون أولى بالمعروف.
• اضرب ابنك وشوف أدبه ما حدا بموت قبل ما يخلص أجله.
• اقلب الطنجرة على تمها بتطلع البنت لأمها.
• اللي عند أمه لا تاكل همه.
• اللي عند أمه بالبيت خبزته مدهونة بزيت.
• أنا وأخي على ابن عمي وأنا وابن عمي على الغريب.
• إن شاء الله بتقعد في العتبة وبتكِشْهُم بالقصبة.
• البطن بستان أشكال وألوان.
• البطن والنار ما عليهن معيار.
• البنت لعمتها والولد لخاله.
• البنت الحرة مثل الذهب بالجرة.
• بنت مليحة ولا صبي فضيحة.
• بنت الفارة حفارة.
• البيت اللي رباني ما راح وخلاني.
• بعد الأم والأب كل الأهل جيران.
• بدعي على ولدي وبكره اللي بقول آمين.
• جناح الأم يلم.
• حدا بيقطع أنفه من بين عينيه.
• خدوا فالهم من أطفالهم.
• دق القرفة ولا صباح السلفة.
• دموع الفاجرات على العيون حاضرات.
• ربيناه كل شبر بندر.
• رضا الأب من رضا الرب.
• الظفر ما بيطلع من اللحم.
• العمة بتلم مثل الأب والأم.
• قلبي على ولدي وقلب ولدي على الحجر.
• قال مين أغلى أولادك، قال: الغايب حتى يرجع والمريض حتى يشفى.
• لا تطول الحبل لابنك بيشنق حاله فيه.
• من شابه أباه فما ظلم.
• مركب الضراير عمران ومركب السلايف غرقان.
• ما بياكل همّك إلا اللي من دمك.
• ما بيبكي على المال إلا اللي جناه وما بيبكي على الولد إلا اللي ربَّاه.
• نزلت صرمايته عن الرف.
• هم الأولاد بيكبر معهم.
• الولد إذا بار ثلثيه للخال.
• قلبك فاضي وعيشك راضي.
• قال عاشقك لا تاخديه ومطلقك لا ترديه.
• لو ريدك يا فخرة ما أخدت عليكي اللخرة.
• قال الآخرة يا فاخرة.
• هللي ببيعك بالفول بيعه بالقشور.
• لا تقول فول ليصير بالمكيول.
• لا تقول عنب ليصير بالسلة.
• أكل الهدية وكسر الزبدية.
• منركب جمل ومنحمل علم ومنقول ما حدا شايفنا.

أمثال شعبية سورية متداولة

• إذا ما بتكون ديب بتاكلك الدياب.
• كلمة خود بتسوى ألف كلمة هات.
• عيش كتير بتشوف كتير.
• بعيد عن العين بعيد عن القلب.
• ما بتعرف خيره لتجرب غيره.
• ضرب الحبيب زبيب ولو كان حجر صوان.
• قللو مين جبرك عالمر قللو اللي أمر منه.
• طريق يسد ما يرد.
• تغدى وتمدى وتعشى وتمشى.
• دود الخل منو وفيه.
• شبع كلبك بيحمي دارك، جوع هرك بياكل فارك.
• علمناهم الشحادة سبقونا عالبواب.
• الموت مع الناس رحمة.
• على هامان يا فرعون؟
• قللو يا فرعون مين فرعنك قللو ما حدا ردني.
• اللي براسو موال بيغنيه.
• رجع إيد لورا وإيد لقدام.
• رجل لورا ورجل لقدام.
• اللي ما بتتعب فيه الأيادي ما بتحزن عليه القلوب.
• صبرك على نفسك ولا صبر الناس عليك.
• سكت دهر ونطق كفر.
• كانت النصيحة بجمل هلق ببلاش ما حدا بيشتريها.
• وقت كبر وشاب أخدوه عالكِتّاب.
• عمر عطيني وبالبحر ارميني.
• مثل أمل إبليس بالجنة.
• كسرنا الدف وبطلنا الغِناء.
• واحد كسر ايدو والتاني شحد عليها.
• إذا فاتك الضاني عليك بالحمصاني.
• البيت اللي بتدخله الشمس ما بيدخله طبيب.
• البرد سبب كل علة.
• نام بكير وفيق بكير وشوف الصحة شلون بتصير.
• نام بالبرية ولا تنام جنب طاقة مهوية.
• حط راسك بين الروس وقول يا قطاعين الروس.
• الحجر اللي ما بيعجب بيفج.
• قدرة ولقت غطاها.
• ما بحن على العود إلا قشره.
• عزمناها تدللت تركناها تندمت.
• مفتاح البطن لقمة ومفتاح الشر كلمة.
• ما بتفوته فايتة ولا طبخة بايتة.
• يا رايح من غير عزيمة يا راجع من غير قيمة.
• اضرب الحديد وهو حامي.
• إذا أردت أن تطاع فاطلب المستطاع.
• إذا كان الكلام من فضة فالسكوت من ذهب.
• إذا وقع القدر عمي البصر.
• إذا بدك تحمه لا ترد بتمه.
• غسل وجهك ما بتعرف مين بيبوسه ونظف بيتك ما بتعرف مين بيدوسه.

أحلى مجموعة أمثال سورية عن الأكل

• الأكل والهزيمة ما بدها عزيمة.
• الأكل على قدر المحبة.
• إذا كثرت الأيدي انحرقت الطبخة.
• إذا أطعمت أَشبع وإذا ضربت أَوجع.
• إذا انسمت عليك كُول وبحلق عينيك.
• إذا طعماك كريم كُول وابسطه وإذا طعماك بخيل كُول واحرق قلبه.
• اطعم المطعوم واحرم المحروم.
• اقعد بره ولا تقعد جنب الجرة.
• أكل الرجال على قدر أفعالها.
• أكل الواحد بيكفي اثنين وأكل اثنين بيكفي ثلاثة.
• اللي بياكل على ضرسه بينفع نفسه.
• اللي بفوتك حصرم بتاكله عنب.
• اللي ما بيشبع من بيته ما بيشبع من بيت الجيران.
• البرغل مسامير الركب.
• التبن إلك التبان ما هو إلك.
• حماته بتحبه.
• الدبة اللي بتموت من عليقها الله لا يرحمها.
• زيارة المساء لا للمبيت لا للعشاء.

أمثال شعبية سورية عن الزواج والخطوبة والطلاق

• الأصيلة ما بيعيبها جليلها.
• أبو العباية ما نريده وأبو الجوخة ما يجينا.
• اخطب لبنتك ولا تخطب لابنك.
• أخدت القرد على ماله راح المال وبقي القرد على حاله.
• إذا ما نفقوها خدودها بنفقوها آباها وجدودها.
• إذا بدك تناسب لا تحاسِب.
• إذا بدك تبسط نفسك تذكّر ليالي عرسك.
• إذا كان جوزي معي بهزّ العالم بإصبعي.
• إذا مدحوها أهلها خليها وانهزم وإذا مدحوها جيرانها خذها وانهزم.
• إذا رغبت البنية عليك بأمّها.
• اقطع راس القط من أول يوم.
• اقعدي بعشك تَيجي حدا يكشك.
• ألف زغروتة ما جوزت عريس.
• الله ينفق ويوفق ويسعد ويبعد.
• اللي ما بياخد من ملّته بموت بعلّته.
• اللي ما بده يجوز بنته يغلي نقدها.
• اللي بيعرف جوزي يروح يقول له واللي كتب كتابي يروح يحله.
• اللي بشور عليك في الطلاق ما بعينك في النفقة.
• لا تذم ولا تشكر قبل سنة وست أشهر.
• لا تاخد الأرملة وإن كان خدها مشحوم إيش ما عملت معها بتقول ما هو مثل المرحوم.
• لا بشتغل ولا جوزي بيعطيني منين المصاري بدها تجيني.
• لا تبيع عنزتك بالحارة ولا تزوج بنتك لجارة.
• أعزب دهر ولا أرمل شهر.
• أنا راضي وأبوها راضي وإنت مالك يا قاضي.
• ابني بطعميني بمنية وزوجي بطعميني بحنية.
• إلي من الحزمة عود والباقي تشيلن القرود.
• بعد العرس ما في قرص.
• بكل عرس إله قرص.
• كل حنطة مسوسة إلها كيال أعور.
• الفرس من الفارس.
• يا مأمن بالرجال مثل المية بالغربال.
• ما قدر على حماته قام على مراته.
• لو كنت بدي أصرف من كيسي ما كنت سميتك عريسي.
• خدي صاحب صنعة ولا تاخدي صاحب قلعة.
• شوفها بكرية ولا عروس مجلية.
• الرجال إذا جاب فحمة وجوده في البيت رحمة.
• مثل أم العروس فاضية ومشغولة.
• اللي بيتزوج بالدين بيجو أولاده بالفايظ.
• اللي معاه فلوسه بنت السلطان عروسه.
• امش في جنازة ولا تمش في جازه.
• بيت الوحدة عمران وبيت الاثنين خربان.
• بس أمسى المساء بتتساوى النساء.
• خدي الأصيل لو كان على الحصير.
• خلي العسل بجراره حتى تجي أسعاره.
• خطبوها تدللت تركوها تندمت.
• الرجل جنى والمرا بنا.
• زوج من عود خير من قعود.
• زوجك على ما علمتيه وابنك على ما ربيتيه.
• السكوت علامة الرضا.
• صار لها زوج بالحيلة قالت أقرع وهمته تقيلة.
• صار لها بيت ومسمار بالحيط.
• عليك بالطريق ولو دارت وعليك بالبنت ولو بارت.
• عند نقش كفوفهن ما حدا بشوفهن وعند بلاويهن تعوا يا أهاليهن.
• قصي طيرك لا يولف لغيرك.
• قال له طلقها وخد أختها قال الله يلعن الاثنين.
• كل شيء بالخناق إلا الجازه بالاتفاق.
• لأهلها بتزق ولبيت حماها بتنق.
• لا تفرح بليلة عرسك ياما مخبالك.
• لو كان الطلاق بإيد المرا كانت الحياة مسخرة.
• لو كان الطلاق بإيد المرا ما نجا منه رجال.

أمثال سورية ذات معنى قوي وقصيرة

• كل غلطة بكفرة.
• لا حياة لمن تنادي.
• مثل البير ماله قرار.
• ضايعة الطاسة.
• من دهنه سقيله.
• هم البنات للممات.
• القرد بعين أمه غزال.
• بعد الأم احفر وطم.
• البنت ضرة أمها.
• الصاحب ساحب.
• الصديق وقت الضيق.
• البنت جناح مكسور.
• إذا كبر ابنك خاويه.
• أختين وإلهن بختين.

أحلى أمثال شامية عن المرأة

• جوزك وإنت قوية وأهلك وإنت غنية وجيرانك وإنت سخية.
• المرا خيرها لزوجها وشرها لأهلها.
• البنت مثل سقاطة باب الدار مين ما كان بدقها.
• النساء فيهن مرة وفيهن مرمرة وفيهن عنترة.
• ويش تكره من النسا قال الوقواقة واللعاقة والطراقة.
• خود الأصيلة ولو كانت عالحصيرة.

أحلى أمثال شامية ردح

• من فوق الله الله ومن تحت يعلم الله.
• لايق للشوحة مرجوحة ولأبو بريص قبقاب.
• مو كل مين صف الصواني قال أنا حلواني.
• الضيف الشرشوح بياكل وبيروح.
• وقت الكباب سكروا الباب ووقت المجدرة نادوا للمعترة.
• الشرشوح شرشوح لو علقوه على السطوح.
• جاور المقمل بيعديك بيشيل اللي فيه وبيحطه فيك.
• أبوه بصل وأمه توم ومن وين بدها تجي ريحة طيبة؟
• ناموا عندي ليلة فكروا حالهم من العيلة.

أمثال شعبية سورية مضحكة

• برغوت قال لبقة يضرب الشرشوح إذا ترقى.
• بطيختين بإيد واحدة ما بينحملوا.
• احترنا يا قرعة وين بدنا نمشطك.
• شو ما طبخت العمشى جوزها بيتعشى.
• كل ما فتح جزدانه بترجف سيقانه.
• الحماية حمة وبنت الأحما عقربة مسمة.
• فاق فراح يا كرشي جاري طبخ محشي.

المصادر: كتاب أمثال شعبية لبنانية وسورية + كتاب الحكم والأمثال الشعبية في الديار الشامية + كتاب أمثالي المحكية فسط الشامية.