مجموعة أمثال شعبية سورية ذات معاني قوية

تعتبر الأمثال الشعبية جواز سفر يُميز كل بلد عن غيرها، لذا جمعنا لك باقة من أجمل أمثال شعبية سورية متنوعة تجدها في المسلسلات الشامية وفي الشارع السوري.

أمثال شعبية سورية

• لا يغرك طولها وخصرها، روحي على بيتها وشوفي تحت حصرها.
• أنا بحلف وابني بيزحلف.
• إذا أجو بنفردلهم المناشف، وإذا ما أجو بنرتاح من وجهم الناشف.
• المشي البطال ياما وقع أبطال.
• تقاتلت البنت وأمها، الرعنة شمرت كمها.
• الرجل بتدب مطرح مابتحب.
• برا البيت عصفور بيرقص، وجوا البيت دبور بيقرص.
• قال مين بيشهد للعروس، أمها وخالتها وعشرة من حارتها.
• قال مابده يتعشا، ما قام من السفرة لقشا.
• يلي بحضن أمه لاتحمل همه.
• بيتها من النشح راح يمشي، وهي عند الجيران عم تطبخ محشي.
• البخيل متل الكديش، بيحمل دهب وبياكل حشيش.
• خدي الفهيم الفارس، ولا تاخدي البهيم الدارس.
• الديب مابيغير طبعه، والنهر مابيحول نبعه.
• لاتحكي عن زوجك لصاحبتك يا بتحسدك يا بتاخدو وبتقهرك.
• اشكي لربك ونام ولا تشكي لبني آدم وتنهان.
• الدنيا بالضيق بتورجيك مين ببيعك ومين بيشتريك.
• يلي بيجي لعنا أهلا وسهلا والقلب إلو هزاز، ويلي ما بيجي لعنا لا أهلا وسهلا ولا القلب إلو معتاز.
• الضيف الأكابر بياكل وبغادر.
• الضيف الشرشوح بياكل وبروح.
• ضيف عنتاب من السفرة للباب.
• ألف كلمة جبان، ولا كلمة الله يرحمو.
• خفف ناسك بيرتاح راسك.
• طنجرة ولاقت غطاها.
• العز للرز والبرغل شنق حالو.
• اعطي الخباز خبزو ولو أكل نصو.

أمثال سورية من باب الحارة

• الباب اللي بيجيك منو ريح سدو واستريح.
• لولا الحسد والظنة كانو كل الناس دخلو الجنة.
• عاشر الغني بيغنيك وعاشر الجربان بيعديك.
• بيوت الكرام ما تخلى من الطعام.
• الكريم يحيه الله واللئيم كره طوب الأرض.
• صار للدبانة دكانة وصارت تسكر على بكير.
• اذكر سيرة القط بينط.
• ضاع الآل والعدو شمتان.
• غابت الناس وبقي النسناس.
• إجا الخيل يتحدى راحت الخنافس تمد رجليها.
• البدوي إذا اتمدن بيجر على أهله اللعنة.
• سبع صنايع والبخت ضايع.
• لاتستعيري من الجارة والخضري براس الحارة.
• لابئ للشرشوحة مرجوحة، ولأبو بريص قبقاب.
• اللي مابتزينو عروقو، ما بتزينو خروقو.
• شروال مالنا، ودكتنا بـ 14.
• اللي متلك مابلبقلو لا أهلين ولا سهلين.
• إذا كان صاحب البيت دقاق الطبل، فشيمة أهل بيته كلن الرقص.
• لما طول دنبو قل أدبو.
• الجارة لما بتغار من جارتا، بتطق مرارتا.
• تجوزنا لننستر، إس الله أيام الفضيحة.
• الشرشوح شرشوح لو علقتو عالأسطوح.
• اللي بيدق الباب بيسمع الجواب.
• قالولوا الله يلعن اللي بيسب الناس، قلن الله يلعن اللي بخلي الناس تسبو.

أمثال شعبية سورية حلبية

• الحماية يلي بتحب الكنة إلها كرسي بالجنة.
• الحماية يلي بتحب الصهر عجبة من عجايب الدهر.
• دلل حماتك وكساب ودها أحسن ما تفتحلك طاقة ما تقدر تسدها.
• قال يا كنة مين علاكي غير جوزك وبيت حماكي.
• الكنة كننيا بتكن وجننيا بتجن.
• بيضا شقرا مالا بخت سودا زرقة مصمودة عل تخت.
• بدنا عريس طنجرتو تبقبق مو نفرح عليه قندرتو عم تزقزق.
• اللي قلبو رقروق بضل طول عمرو خروق.
• يا أم بنطلون مرقع، صار عندك بيت ومربع.
• مابتعرف خيرو، لتجرب غيرو.
• اللي بيشرب البحر ما بتشردق بالساقية.
• مابقرقع بالدست إلا وخم الكراديش.
• ما بفضح البيت الكبير، إلا الكنة، والأجير.
• الجحش بسمن من ضرسو، بس ابن آدم بسمن من أدنو.
• إذا ضربت ضروب أمير، و إذا سرقت، سروق حرير.

امثال شعبية حلبية خاصة بشهر شباط

• الصيت للمربعانية والفعل لشباط.
• امشِ على غيم كانون ولا تمشي على غيم شباط.
• إن لسّن الزيتون في شباط حضروا له لبطاط.
• راح شباط الخباط لا أخذ مني عنزة ولا رباط.
• زرع شباط ما يملي رباط.
• شباط الخباط ان شبط وان لبط ريحة الصيف فيه.
• شباط بيلف العجوز بالبساط.
• شباط جرّ العنزة بالرباط.
• شباط شبطنا وربطنا وروايح الصيف أجتنا.
• شباط ما عليه رباط.
• شمسة شباط وغيمة آذار من نعايم ربنا الكثار.
• غيمة شباط ولا صحوة كانون.
• في شباط بظبُّو العير في الرباط.
• في شباط.. بعرق الآباط.

أمثال شعبية سورية عن الزواج

• خود من الزرايب ولا تاخُد من القرايب.
• يلي مفكرة الزواج هشِّك بشِّك، بكرة بتتزوجي وبتلطمي على وشِّك.
• مشقشق منتف اسمه قميص، أعور أخرس اسمه عريس.
• يلي مفكرة الزواج حب وغزل، بكرا بتعرفي انه دق توم وفرم بصل.
• الشلايا لقايا والجازة حظوظ.
• قال اخطبي الطول والعيون والباقي شو ماكان يكون.
• طلعت فوق السطوح هز الهوا كمى.
• لو بدي أصرف من كيسي ما قبلتك عريسي.
• إذا كان الزواج مغامرة فالعزوبية انتحار.
• دوري في كل البلاد ولا تأخذي واحد عنده أولاد.
• زوج من عود خير من قعود.
• شيبه يدللك ولا شباب يبهدلك.
• بدنا من الحزمة عود والباقي تنتعه القرود.

أمثال شعبية سورية مشهورة

• اللي بدق الباب بيسمع الجواب.
• كل ديك عـ مزبلتو صياح.
• من برا رخام ومن جوا سخام.
• إذا كبر ابنك خاوِيه.
• يلي بيتو من قزاز ما يرمي الناس بحجر.
• يلّي بأدّب ولاده بيقهر حسّاده.
• النضيفة بنت الأصل بتخلي كوخها قصر.
• النذل يلي متعود على الوخامة ما بتناسبو بنت الشرف والشهامة.
• الله يخلينا بعقولنا، لوقت نصل لقبورنا.
• لما الكلب يشوف اللحمة مابقا يعبي عينه الخبز والملح.
• صاحبي مين ترد غيبتك ولا تصاحبي مين تجيب سيرتك.
• وقت الكباب سكروا الباب، ووقت المجدرة نادو للمعترة.
• إبن آدم نصو خلقة ونصو خرقة، ويلي ما بتزينوا عروقه ما بتزينوا خروقه.
• البخيل متل الكديش، بيحمل دهب وبياكل حشيش.
• خدي الفهيم الفارس، ولا تاخدي البهيم الدارس.
• خايف هزك يا غربالي، يوقع منك كل عزيز وغالي.
• العشرة يلي هانت ياريتا ما كانت.

أمثال سورية تضحك

• الله يكفينا شر من رحب فينا وهلا، ومن ورانا حكى علينا وما خلا.
• لاتحكي عن زوجك لصاحبتك يا بتحسدك يا بتاخدو وبتقهرك.
• اشكي لربك ونام ولا تشكي لبني آدم وتنهان.
• الدنيا بالضيق بتورجيك مين ببيعك ومين بيشتريك.
• زيوان البلد ولا حنطة الجلب.
• بعد ما أكل و إتكى قلها يا مرى قلا يا مرا طبخك مالو زكى.
• يلي بيفشخ أكبر من فشختو بيقع وبتنفك رقبتو.
• حسدونا على ضحكتنا حتى إجت الأيام وأخدتنا.
• حملي عصاية السيلفي ودوريا وكل ما بتطبخي طبخة صوريا.
• خليكي عند أهلك عزيزة وشبعي دلال، صح كتار الشوراب بس قليلين الرجال.