مجموعة أمثال شعبية لبنانية ذات معاني قوية

يمتاز الشعب اللبناني بقدرته على رسم الضحكة بسهولة سواء بنكاته الظريفة أو أمثاله الشعبية الظريفة، إليك مجموعة أمثال شعبية لبنانية مهضومة ومشهورة للغاية.

أمثال شعبية لبنانية قديمة

• ابن آدم يتمسكن حتى يتمكّن.
• ابن الحكومة إنْ صادقته أكلك، وإنْ عاديته هلكك.
• ابنك وهو صغير ربّيه، ولمّا يكبر خاويه.
• الآباء يأكلون الحصرم والأبناء يضرسون.
• سبحان اللي بغيّر وما بتغيّر.
• العشرة يلي هانت يا ريتها ما كانت.
• يا افتح بابك وانشكر، ويا سكرو وانستر.
• ثوب ورقّعته من طرفه.
• الواحد ما بيتعلّم إلّا من كيسه.
• ابعد عن الشر وغنِّي له.
• آخر الدوا الكي.
• إذا جاوز الشيء حدّه انْقَلَب إلى ضِدّه.
• إذا زوجي راضي شو دخل القاضي.
• إذا حضر الطعام بطل الكلام.
• إذا بدك تنبسط تذكّر أيام عرسك.
• آكل شارب، ومن الهمّ هارب.
• عقل الكبير كبير.
• شغل الليل بالويل.
• شمس شباط بتخبط الراس بالمخباط.
• شو بده يلق الكلب من البحر.
• شو بيضر السما من عياط الكلاب.
• شو عـ بال عكا من هدير البحر.
• شو هو واقع من اجرين الشوحة.
• صابون العرب لحاها.
• صديق الـ ما بينفع مثل عدو الـ ما بيضر.
• عناية القاضي خير من شاهدين.
• عيب الولد من اهله.
• الغايب ما له حصة.
• طعمي التم بتستحي العين.
• إسعى يا عبدي تا إسعى معك.
• عاشر الجربان لازم تجرب.
• عاشر الكبير تكبر.
• العبد ما بيسير ت يسيره ربه.
• عدو جدك ما بيودك وعدو اهلك بيريدك تهلك.
• علمناه عالسرقة مد إيده للخرقة.
• لولا عاليه وبسوس ما كان في بالدنيا تيوس.
• ما بيشد بالبقرة إلا صاحبها.
• في التأني السلامة وفي العجلة الندامة.
• الكذب بيغدي ما بيعشي.
• كل قصير في الارض فتنة.
• عيش يا كديش لينبت الحشيش.
• بالوج مراية وبالقفا صرماية.
• ابن البط سباح وابن الكلب نبّاح.
• الدفا عفا ولو كان بعزّ الصيف.
• الشمس شارقة والناس قاشعة.
• العين ما بتعلى عن الحاجب.
• الليل طويل والرب كريم.
• المال بيجرّ المال والقمل بيجرّ السيبان.
• أختي بكمي مثل الهوا بكمي.
• إذا أردت أن تطاع فاطلب المستطاع.
• أنا وخيّ عـ إبن عمي وأنا وإبن عمي عالغريب.
• بتموز بتغلي المي بالكوز.
• برد الصيف أحد من السيف.
• جارك القريب ولا أخوك البعيد.
• حسن السؤال نصف العلم.
• الذهب بيعتاز النخالة.
• السكافي حافي، والحايك عريان.
• الشرط بالحقلة ولا قتال عالبيدر.
• الطمع ضرّ ما نفع.
• العين بصيرة واليد قصيرة.
• الله يلعن هالزمان اللي خلط القمح بالزوان.
• اللي بيكتروا خطابها بتبور.
• النبي وصّى على سابع جار.
• أحلى مني ربي خلقه، اشطر مني دمه فلقه.
• أقعد أعوج…. وإحكي جالس.
• أم عشرة مدبرة وأم واحد محيرة.
• أنا أمير وإنت أمير ومين بيسوق الحمير.
• إذا ذُكِرَ الديب هيّئ القضيب.

أمثلة شعبية لبنانية مشهورة

• الطاقة إلي بيجي منها ريح سدها واستريح.
• كل من حبيبه ملو قلبه.
• شباط ما عـ كلامه رباط.
• شايب يدلل ولا شب يهين.
• عمرك لا تقول للمغني غني، ولا للراقوص ارقص.
• العين جيعانة والمعدة شبعانة.
• أجت الحزينة تفرح ما لقت لها مطرح.
• أعلى ما بخيلك… إركبه.
• أيلول بالشتي طرفه مبلول.
• إبن الأربعين والخمسين… زهر البساتين.
• إذا كان حاكمك ظالمك اشك همك لخالقك.
• إذا كنتِ وحشة كوني نغشه.
• إللي أوله شرط آخرتو نور.
• إللي بياكل من خبز السلطان بيحارب بسيفو.
• إن عجبنا الكحل تكحلنا وإن ما عجبنا ترحلنا.
• بتموز بتغلي المي بالكوز.
• بخمسة آس ولا شماتت الناس.
• بدنا ياه ولو من ديار البلي.
• بطن تمام… كيف تمام.
• بعد هالكَبرة، جبّة حمرا.
• بيت السبع ما بيخلى من العظام.
• بيسرق الكحل من العين.
• بيلهي الحمار عن عليقه.
• ثلاثة ما بيتخبّوا: الحُب والحَمل وركوب الجمل.
• جازة وجوزتك حظ من وين بجبلك.
• جحا جابه وجحا أكله.
• جَوزك على ما عوَّدتيه، وولدك على ما ربّيتيه.
• حسنا الباشا باشا، تاري الباشا زلمه.
• حِط إيدك بوكر الدبابير وقول هيدا من التقادير.
• خود أسرارهم من صغارهم.
• راح عـ حصان، رجع عـ بغل.
• شبعنا وشبعت كنتنا وبنت الخير بتشبع من لقمة.
• خللي العسل بجراره، تاتيجي أسعاره.
• رغيف برغيف ولا يبيت جارك جوعان.
• طِب الجرة عـ تمها بتطلع البنت لأمها.
• على قدر بساطك مد رجليك.
• عليك بالجار ولو جار.
• كل من حط فلوسه، بنت السلطان عروسه.
• كلمة تغني عن الف وألف لا يغني عن كلمة.
• لا صداقة الا بعد عداوة.
• لا قيني… ولا تغديني.
• لا هم الا هم الدين ولا وجع الا وجع العين.
• لبّس المكنسة بتصير ست النسا.
• لولا كمي ما أكل تمي.
• ما بيرضي العباد إلا رب العباد.
• ما غاظك إلا يلي بلّغك.
• متل الزهر، بيغيب سنة وبيحضر شهر.
• مثل القطاط يأكل ويذم ويحدث ويطم.
• من هو أخبر فيك، جارك ومربيك.
• ميت مرة جبان، ولا مرّة الله يرحمو.
• نام دافي بتقوم معافي.
• يا غريب كن أديب.
• الإيد اللي ما فيك تعضها، بوسها وادعي عليها بالكسر.
• اللي يعرف يعرف والذي ما يعرف يقول كف عدس.
• البنات همن للممات.
• البيت بيت أبونا والناس بيخانقونا.
• الجنة من دون ناس… ما بتنداس.
• الحق الكذاب لباب الدار.
• الحما بابور وبنات الأحما إبره.
• الروحة بالايد أما الرجعة مش بالايد.
• الصبي صبي ولو كان ابن نبي.
• العافية بتجي من خروم الابر ولا مرض بيدفق دفق.
• الكلب عـ باب صاحبو نبّاح.
• اللي بياكل من زوادة غيرو ما بيشبع.
• اللي ما بيهدا بالصحون ما بيهدا بالبطون.
• الناس بالناس والقطة بالنفاس.

أمثال لبنانية مهضومة

• شوارب كبار يا عـ طبال يا عـ زمار.
• صار يضرب خماسه بسداسه.
• ضحكته بسنانه وسمومه بلسانه.
• ضربني وبكى وسبقني واشتكى.
• طلطميس لا يعرف الجمعة من الخميس.
• حط أيدك بجنازة ولا تحط أيدك بجازة.
• عذر أقبح من ذنب.
• عصفور في اليد ولا عشرة على الشجرة.
• عما أحكيكي يا جارة… تا تسمعي يا كنه.
• عيش كتير بتشوف كتير.
• غربل….. يا غربال.
• غيم شباط ما عليه رباط.
• قاعد بالأرنة وعينه بتجقرني.
• قالوا للبغل مين أبوك؟ قال الحصان خالي.
• قام الدب تَـ يرقص، قتَّل سبع ثمانية انفس.
• قطع الاعناق ولا قطع الارزاق.
• قالوا للحرامي احلف يمين، قال فرجت.
• كل طلعة وراها نزلة.
• كل شيء مع العافية طيب.
• كما طار طير وارتفع إلا وكما طار وقع.
• لا تبيع رخيص، ولا توصي حريص.
• لا تلوم الغايب تـ يحضر.
• لا تنام بين القبور ولا تشوف منامات وحشة.
• لا مع ستي بخير ولا مع سيدي بخير.
• ما بيعرف الخمسة من الطمسة.
• لولا الغيرة ما انفرشت حصيرة.
• دخول الحمام مش مثل الخروج منه.
• ما بيحن عالعود غير إشروا.
• ما دام جارك بخير أنت بخير.
• ما في قبيلة ما طلع منها هبيلة.
• ما يحك جسمك الا ظفرك.
• متل الحكومة، ما إلو صاحب.
• متل الزيتون، ما بيجي إلا بالرص.
• متل خيل الدولة: اكل ومرعى وقلة صنعة.
• مثل البزر المر لا بينفع ولا بيضر.
• مثل القطاط بسبع ارواح.
• ميّت «مياه» نيسان بتحي الإنسان.
• مين أكل وبان عليه ما كتير عليه.
• ناقرني تناقرك… وما إلي قلب فارقك.
• يا رايح كتّر الملايح.
• يا دايم الدوم… كل مين الو يوم.
• يا عبدي لا تلوج غير رزقك ما بتحوش.
• يللي بيشوفني بعين بشوفه بعينتين.
• خِدي ختيار يدلّلك ولا شاب يبهدلِك.
• مين عنترك يا عنتر؟،…… ما لقيت حدّا ردّني.
• إبن الحكومة إذا صادقته أكلك، وإذا عاديته هلكك.
• باب النجار مخلّع.
• بدّك تبهدل رجّال، فلّت عليه مرا.
• بدل ما تقول للدجاجة كش أضربها اكسر لها رجلها.
• بزرعك بين البقدونس بلاقيك بين الكزبرة.
• بياخده على البحر وبرجعو عطشان.
• بيشرب من البير وبيرمي فيه حجر.
• بين تشرين وتشرين صيف تاني.
• تزوجت أختي يا سعادة بختي.
• جبنا الأقرع ليونسّنا… كشّف على القرعة وفزعنا.
• حارة وشبابيكها حمر، والعيشة فيها بتقصف العمر.
• يلّي باعك ببصلة، بيعو بقشرتها!.
• شو ما طبخت العمشا… جوزها بيتعشى.
• صهر بيشدّ الظهر، وصهر بيجيب المجرفة عـ القبر.
• خبي قرشك الأبيض ليومك الأسود.
• راحت السكرة وإجت الفكرة.
• رغيف برغيف ولا يبيت جارك جوعان.
• شباط مهما شبط أو لبط ريحة الصيف فيه.
• لا تنام بين الدبابير وتقول على الله التدبير.
• متل سيرة الحيّات، بتبدا ما بتخلص.
• من قلة الخيل شدوا على الكلاب السروج.
• مين ما قاله تش… بيقله مش.
• وِحشة وعِكشة، وواقفة بالوِج.
• يحب الرفعة ولو على الخزوق.
• يللي بيطلع من داره… بيقل مقداره.
• قالوا لفرعون من فرعنك قال: ما وجدت احد حتى يردني.
• تزوجنا وجبنا غريبة، زوان بلادك ولا القمح الصليبي.
• إجوا يبيطروا خيل السلطان، مدّت الخنفسة إجرها.
• مكتوب على ورق الخيار اللي بيسهر الليل بينام بالنهار.
• مكتوب على بواب الجنة ما عمرها حماة حبت كنة.
• نزل الفلاح عالمدينة ما استحلي غير الدبس بالطحينة.
• ابنها بيبكي وراحت تسكَّت ابن الجيران.
• الإنسان بالتفكير والله بالتدبير.
• الصبي ولو مال تلتينو للخال.
• الطفران غلب السلطان.
• اللي ما الو حظ لا يتعب ولا يشقى.
• اللي ما بدو يزوج بنته بيعلي مهرها.
• الناس بدارك والمفتاح بزنارك.

أمثال شعبية لبنانية متنوعة

• حظّوا من السما اللي ما عندو حما.
• صار له في القصر من أمس العصر.
• صام صام وفطر على بصلة.
• حِيَل النسوان بتنزِّل المحادل عن السطوح.
• خس زراع ولا تبيع من أرضك دراع.
• رجعت حليمة لعادتها القديمة.
• شباط ما عليه رباط.
• شو أحلى من العسل؟ الخل ببلاش.
• شو بدي اترجى منك يا سفرجلة وكل عضة بغصّة؟.
• صاحب الدار ادرى باللي فيه.
• قالولو للكذاب إحلف.. قال إجا الفرج.
• لا هم الا هم الدين ولا وجع الا وجع العين.
• مات المير ما حدا اهتم فيه مات كلب المير، كل الناس عزّت فيه.
• مين جرب المجرب كان عقله مخرب.
• نار القريب ولا جنة الغريب.
• يا جاري انت بحالك… وأنا بحالي.
• حَطو ذنب الكلب بالقالب أربعين سنة وبقي أعوج.
• مين بدو دح… ما بيقول أح.
• مين شرب البحر مش حا يغص من الساقية.
• ظلّيت صلّي حتى حصل لي، ولما حصل لي بطّلت صلّي.
• الإيد اللي ما فيك تعضها، بوسها وادعي عليها بالكسر.
• اللي يعرف يعرف والذي ما يعرف يقول كف عدس.
• يا اخد القرد على ماله راح المال وبقي القرد على حاله.
• نزلت العبدة على السوق ما استحلت غير شفاتير ابنها مرزوق.
• احترنا يا قرعة منين نبوسك.
• الأب جلاّب والأم دولاب.
• الحُب بيطلع من الشباك إذا دخل الفقر من الباب.
• الديك الفصيح من البيضة بيصيح.
• الديك ملك على مزبلته.
• اللي سبق شم الحبق.
• اللي في جنبه مسله بتنعره.
• اللي من أيده الله يزيدوا.
• الرزق السايب بيعلم الناس الحرام.
• الله يوفق وينفق… وعنا ما يتخلى.
• اللي بيأخذ من غير ملتو بيموت بعلتو.
• اللي ما ألو حظ ما يتعب ولا يشقى.
• المصلح إلو تلتّين القتلة.
• المعتّر لو سِعِد بيموت.
• الولد ولد ولو حكم بلد.
• أبعد عن الشر وغنيله.
• أختي من أمي مثل الهوا بكمي.
• أكبر منك بيوم أعقل منك بسنة.
• أمير وإنت أمير ومين بيسوق الحمير.
• جهل الختيار ما لو دبّار.
• إذا قلّ الحيا حلّ البلا.
• إذا كان بدّك غراب البين (الموت) تزوّج تْنَين.
• أرخص من الفجل التراب والزبل.
• اسأل مجرّب ولا تسأل حكيم.

المصدر: ليبانون فايلز + مواقع إلكترونية.