أمثال مصرية شعبية مضحكة وقوية

كلمات بسيطة قالها أجدادنا في العديد من المواقف فظلت تتناقل عبر الأجيال، إنها أمثال مصرية شعبية لها الطابع المرح مما يجعلك تحفظها عن ظهر قلب.

أمثال مصرية شعبية مضحكة

• امشي في جنازة ولا تمشيش في جوازة.
• بكرة نقعد على الحيطة ونسمع الزيطة.
• اللي يخاف من العفريت يطلعله.
• خنفسة شافت عيالها على الحيط قالت لولي متعلق في خيط.
• ما يقع إلا الشاطر.
• الحما حما وأخت العريس عقربة سامة.
• مرات الأب خدها يارب.
• تعيش وتاخد غيرها.
• يا بخت من زار وخفف.
• من جاور السعيد يسعد.
• رجعت ريمة لعادتها القديمة.
• تيتي تيتي زي ما روحتي زي ما جيتي.
• هي المشرحة ناقصة قتلى.
• اسمع من هنا وطلع من هنا.
• ابعد حبة تزيد محبة.
• أخرة المعروف ضرب الكفوف.
• اللي مالوش كبير يشتريله كبير.
• اللي مالوش خير في أهله مالوش خير في حد.
• اللي يقول لمراته يا هانم يقفولها على السلالم واللي يقول لمراته يا عورة يلعبوا بيها الكورة.
• عاملة زي اللي رقصت على السلم لا اللي فوق شافوها ولا اللي تحت سمعوها.
• من خرج من داره اتقل مقداره.
• جزرة وقطمها جحش.
• ابن الوز عوام.
• اصبر على الجار السو، يا يرحل يا تيجي مصيبة تشيله.
• اللي عاجبه الكحل يتكحل، واللي مش عاجبه الباب يفوت جمل.
• كلّ اللي يعجبك والبس اللي يعجب الناس.
• تور لاهي في برسيمه.
• كافي غيري شري.
• إن سرقت اسرق جمل وإن عشقت اعشق قمر.
• اللي ميعرفش يقول عدس.
• القرعة بتتباهى بشعر بنت اختها.
• اللي مربي قرد عارف ألاعيبه.
• يموت الزمار وصوابعه بتلعب.
• المية تكدّب الغطاس.
• كتر السلام يقل المعرفة.
• جاي يبيع المية في حارة السقايين.
• مبروم على مبروم مايرولش.
• اللي ما يعرف الصقر يشويه.
• خد من التل يختل.
• الحي أبقى من الميت.
• ياما تحت السواهي دواهي.
• مية من تحت تبن.
• يا داخل بين البشرة وقشرتها ما ينوبك إلا دمعتها.
• اللي يحضّر الجن يعرف يصرفه، ولو معرفش يصرفه يتحمل أذاه.
• أبوك البصل وأمك التوم، هتجيب منين الريحة الحلوة يا مشؤوم.
• الغايب مالوش نايب.
• اللي فات مات وأخدنا عزاه.
• خده على أد عقله.
• حلة ولقت غطاها.
• اللي يبيعك بالرخيص بيعه ببلاش وانت الكسبان.
• العروسة للعريس والجري للمتاعيس.
• أنا راضي وأبوها راضي، مالك انت ومالنا يا قاضي.
• أنا وأخويا على ابن عمي وأنا وابن عمي على الغريب.
• القرد في عين أمه غزال.
• أدعي على ولادي وأكره اللي يقول آمين.
• ياما في الجراب يا حاوي.
• يدي الحلق للي بلا ودان.
• رزق الهبل على المجانين.
• طول ما البرص مش شايف الشبشب هيفكر نفسه تمساح.
• يا واخد القرد على ماله يضيع المال ويبقى القرد على حاله.
• معاك قرش تسوى قرش.
• قالوا للحرامي احلف قال جالي الفرج.
• في الوش مراية وفي القفا سلاية.
• اتجمز بالجميز لحد ما يطلع التين.
• القُفة أم ودنين لازم يشيلوها اتنين.
• اللي يخاف من العفريت يطلعله.
• اللي تخاف منه ميجيش أحسن منه.
• اللي ذاكروا خدوا ايه؟
• البيت بيت أبونا ويجوا الغُرب يطردونا.
• اتقل على الرز لحد ما يستوي.
• طباخ السم بيدوقه.
• اللي يحب العسل يستحمل قرص النحل.
• متبصش للي في إيد غيرك.
• المتغطي بالناس عريان.
• الدبة قتلت صاحبها.
• سرك في بير.
• قرد ودنه مقطوعة شاف نفسه في المرايا قال الحلو ميكملش.
• حبيبك يبلعلك الزلط وعدوك يتمنالك الغلط.
• الجنازة حارة والميت كلب.
• لقمة هنية تكفي مية.
• مقدرش على الحمار فاتشطر على البردعة.
• اللي اتلسع من الشوربة ينفخ في الزبادي.
• اللي يتجوز أمي أقوله يا عمي.
• اللي يتكسف من بنت عمه ميجبش منها خضار.
• اتلم تنتون على تنتن واحد نتن والتاني أنتن.
• يا مآمنة للرجال يا مآمنة للمية في الغربال.
• اللي ياكل على ضرسه ينفع نفسه.
• متنفخش فيه وتزعل انه فرقع في وشك.
• اطبخي يا جارية، كلّف يا سيدي.
• من برة هالا هالا ومن جوة يعلم الله.
• متربيش قرد وترجع تزعل أما يتنطط عليك.
• ضربني وبكى وسبقني واشتكى.
• إش تسوي الماشطة في الوش العكر.
• لبّس البوصة تبقى عروسة.
• ديل الكلب عمره ما يتعدل لو علقوا فيه قالب طوب.

أمثال مصريه قوية

• من حسب الحسابات في الهنا بات.
• وقعة الشاطر بألف.
• قدّر تتقدّر.
• إن جالك الطوفان حط ابنك تحت رجليك.
• الرزق يحب الخفية.
• أكل العيش مر.
• اللي يصبر ينول.
• اللي من غير أم حاله يغُم.
• اللي عاشها لنفسه مات واللي مات لولاده عاش.
• شبعة بعد جوعة.
• كل فرس وله خيال.
• اللي عطاك يعطينا.
• كل حاجة بأوانها.
• اسأل مجرب ولا تسألش طبيب.
• الصبر طيب.
• المال السايب يعلم السرقة.
• العشرة متهونش إلا على ولاد الحرام.
• اللي ميعملش لنفسه محدش هيعمله.
• الرضا بالمقسوم عبادة.
• الشاطر اللي يضحك في الآخر.
• اللي يشوف بلاوي الناس تهون عليه بلاويه.
• اللي يستر الناس يستره ربنا.
• اللي ستره رب ميفضحوش عبد.
• اللي ياكل لوحده يزّور.
• اللي إيده في المية مش زي اللي إيده في النار.
• اللي يبيعك بيعه.
• الي يعيش ياما يشوف.
• كل شيء بوقته حلو.
• كل وقت وله آدان.
• اللي ما يعرفك يجهلك.
• اللي معهوش ميلزموش.
• الأمر ميسلمش.
• اللي يحط في رقبته حبل يستحمل الشد.
• يعيش النصاب على قفا الطماع.
• السر لو خرج عن اتنين مبقاش سر.
• اللي له ضهر ميتضربش على بطنه.
• إن كبر ابنك خاويه.
• المال السايب يعلم السرقة.
• زي القطط ياكل وينكر.
• ابنك على ما تربيه وجوزك على ما تعوديه.
• العبرة بالنهاية.
• لو فاتك الميري اتمرغ في ترابه.
• ادي العيش لخبازه ولو أكل نصه.
• ضرب الحبيب زي أكل الزبيب.
• باب النجار مخلع.
• قليل البخت يلاقي العضم في الكرشة.
• اللي خدته الهانم تاخده مساحة السلالم.
• إن غاب القط العب يا فار.
• خلي اللي ما يشتري يتفرج.
• اللي يجي في الريش بقشيش.
• ياما دقت على الراس طبول.
• اللي بيته من إزاز ميحدفش الناس بالطوب.
• اتلم المتعوس على خايب الرجا.
• اللي ميشوفش من الغربال يبقى أعمى.
• راح قرد يجي غزال.
• على أد لحافك مد رجليك.
• امشي عدل يحتار عدوك فيك.
• ضرب الحبيب زي أكل الزبيب.
• العين بصيرة والإيد قصيرة.
• ما باليد حيلة.
• يا خبر انهاردة بفلوس بكرة يبقى ببلاش.
• الطمع يقل ما جمع.
• إش ياخد الريح من البلاط.
• اضحك للدنيا تضحكلك.
• جحا أولى بلحم توره.
• كل تأخيرة وفيها خيرة.
• خير البر عاجله.
• اللي اختشوا ماتوا.
• يا بخت من بات مظلوم ولا باتش ظالم.
• المخدة متشلش اتنين حلوين.
• الباب اللي يجيلك منه الريح سده واستريح.
• الغالي تمنه فيه.
• الحيطان ليها ودان.
• اللي على راسه بطحة يحسس عليها.
• ياما جاب الغراب لأمه.
• في الحزن مدعيين وفي الفرح منسيين.
• اقلب القدرة على فُمها تطلع البنت لأمها.
• اصرف ما في الجيب يأتيك ما في الغيب.
• اقرع ونزهي.
• يا بخت من بكاني وبكى عليا ولا ضحكنيش وضحك الناس عليا.
• اعمل الخير وارميه البحر.
• زي القرش البراني ترميه يرجعلك تاني.
• زي القرع يمد لبرة.
• آدي الجمل وآدي الجمال.
• لما وقع العجل كترت سكاكينه.
• أكل ومرعى وقلة صنعة.
• زي المنشار طالع واكل نازل واكل.
• لو لك حاجة عند الكلب قوله يا سيدي.
• إيد لوحدها متسقفش.
• اللي يصعب عليك يفقرك.
• ضربوا الأعور على عينه قال خربانة خربانة.
• اطعم الفم تستحي العين.
• مية مالحة ووشوش كالحة.
• لولا اختلاف الأذواق لبارت السلع.
• الجار قبل الدار والصديق قبل الطريق.
• الراجل اللي مالوش كلمة ميسواش.
• النومة الطويلة تجيب الفقر.
• بيعبي الهوا في أزايز.
• اللي بيجي سهل بيروح سهل.
• اللي في القلب في القلب.
• لو كان حبيبك عسل متلحسوش كله.

أمثال مصرية مشهورة

• اللي يطمع في الفتات يضيع اللقمة.
• اللي يدي وش للكلاب تستقوى عليه.
• البكا على الفايت قلة عقل.
• اللي يكدب في الصغيرة يكدب في الكبيرة.
• تعمل خير تلاقي خير.
• البعيد عن العين بعيد عن القلب.
• اللي يبعد عن سكة ربنا يتوه.
• الأخ أخ مراته والخايبة تحلف بحياته.
• يا فرحة ما تمت خدها الغراب وطار.
• اللي بيشيل قربة مخرومة بتخر على دماغه.
• الكحكة في إيد اليتيم عجبة.
• مالقوش في الورد عيب قالوا أحمر الخدين.
• اللي يسيب نفسه للكسل ينام جعان.
• اللي يشاور عقله مايندمش.
• كل واحد ينام على الجنب اللي يريحه.
• اللي ما يطول الرمان يقول عليه حمضان.
• الغربال الجديد له شدة.
• من فات قديمه تاه.
• حمارتك العارجة تغنيك عن سؤال اللئيم.
• اجري يا ابن آدم جري الوحوش، غير رزقك لن تحوش.
• الكداب نساي.
• الجوع كافر والنوم سلطان.
• من حكم في ماله ما ظلم.
• ما ينوب المخلص غير تقطيع هدومه.
• الحماة عندها عرق ورا الودن يكره مرات الابن.
• خدوهم بالصوت لا يغلبوكوا.
• حاميها حراميها.
• قول للزمان ارجع يا زمان.
• لا تعايرني ولا أعايرك الهم طايلني وطايلك.
• جه يكحلها عماها.
• صاحب بالين كداب وصاحب تلاتة منافق.
• جوز الاتنين يا قادر يا فاجر.
• مركب الضراير سارت ومركب السلايف غارت.
• من برة وجوة فرشتلك وانت مايل وايه يعدلك.
• كلمة الحق بتقف في الزور.
• عصفور في اليد خير من عشرة على الشجرة.
• يبقى ابني على كتفي وأروح أدور عليه؟
• الغايب حجته معاه.
• يقتل القتيل ويمشي في جنازته.
• عايز جنازة ويشبع فيها لطم.
• عامل زي عواجيز الفرح.
• يا بخت من وفق راسين في الحلال.
• من كتر خطابها بارت.
• بوظت الطبخة على بجنيه ملح.
• عمل رز بلبن وحط عليه تراب.
• حجة البليد مسح السبورة.
• عامل زي الأطرش في الزفة.
• الفاضي يعمل قاضي.
• مفيش حد عاجبه حاله.
• زي القطط بسبع أرواح.
• قالوا ايه اخبار عليلكم قالوا سليمنا مات.
• جت الحزينة تفرح ملقتلهاش مطرح.
• مسير الحي يتلاقى.
• مسيرك تيجي تحت المخرطة يا ملوخية.
• عامل فيها أبو العريف.
• البطيخة المقفولة شبعت تخبيط.
• الجواز عامل زي البطيخة يا طلعت حمرا يا طلعت قرعة.
• غالي والطلب رخيص.
• لو كان فيه الخير ما كان رماه الطير.
• الكلاب تعوي والقافلة تسير.
• العشرة متهونش إلا على ولاد الحرام.
• اتغدى بيه قبل ما يتعشى بيك.
• اتمسكن لحد ما اتمكن.
• وجع ساعة ولا كل ساعة.
• الشاطرة تغزل برجل حمار.
• بتعمل من الفسيخ شربات.
• داري على شمعتك تقيد.
• عدوك ابن كارك.
• اديني عمر وارميني البحر.
• العمر مش بعزقة.
• كل شيء بالخناق إلا الجواز بالاتفاق.
• من خد وادى صار المال ماله.
• جالك الموت يا تارك الصلاة.
• اللي سبق أكل النبق.
• كله عند العرب صابون.
• ياما في الحبس مظاليم.
• اللي يعوزه البيت يحرم على الجامع.
• ابن أمه بنسيبه لأمه.
• محدش اتعلم ببلاش.
• مفيش حلاوة من غير نار.
• النار متحرقش مؤمن.
• لو الكلام من فضة فالسكوت من دهب.
• لسانك حصانك إن صنته صانك وإن هنته هانك.
• بيكدب الكدبة ويصدقها.
• كل شيء وله آخر.
• يا جبل ما يهزك ريح.
• خد بالك من أفعالك عشان هتاخد لفة ورجعالك.

أمثال مصرية قديمة

• الصيت ولا الغنى.
• من ماله ولا يهناله.
• الطيور على أشكالها تقع.
• تديله عينك يطمع في الحواجب.
• المركب اللي تودي طول عمرها أحسن من اللي بتجيب.
• العيار اللي ميصبش يدوش.
• اللي يقول مبيعملش واللي يعمل مبيقولش.
• العرق يمد لسابع جد.
• كلام الليل مدهون بزبدة يطلع عليه النهار يسيح.
• هناخد زمنّا وزمن غيرنا.
• في التأني السلامة وفي العجلة الندامة.
• صباح الخير يا جاري انت في حالك وأنا في حالي.
• وقع واقف.
• خلينا ورا الكداب لحد باب الدار.
• فات الكتير ما باقي إلا القليل.
• مصائب قوم عند قوم فوائد.
• الكدب مالوش رجلين.
• الجواب باين من عنوانه.
• أول القصيدة كُفر.
• إذا عُرف السبب بطُل العجب.
• لو جت مقاسك البسها.
• اللي أبوه صعيدي ميخافش.
• لو دخل الفقر من الباب هرب الحب من الشباك.
• يغور القليل كله.
• يا بخت من قدر وعفي.
• الحركة بركة.
• فاكر إن تحت القُبة شيخ.
• نأبه طلع على شونة.
• ياما الهدوم مدارية.
• يا بخت من نفع واستنفع.
• مولد وصاحبه غايب.
• زي الفريك محبش شريك.
• كل عقدة وليها حلال.
• الصباح رباح.
• الصاحب ساحب.
• طولة البال تهد جبال.
• خير تعمل شر تلقى.
• ابعد عن الشر وغنيله.
• الضحك من غير سبب قلة أدب.
• اللي أهله معلمهوش الأيام تعلمه.
• يدي باليمين وياخد بالشمال.
• المفتري عليه ربنا.
• كل ظالم وله يوم.
• الدنيا دوارة.
• كلنا في الهوا سوا.
• الحظ لما يواتي يخلي الأعمى ساعاتي.
• كل برغوت على أد دمه.
• الصغير مسيره يكبر.
• اللي يبصلّي بعين أبصلّه بالاتنين.
• اديني جرام محبة أديك وِقة حنان.
• كلمة ياريت ما تعمر بيت.
• الكلام معلهوش جمرك.
• حاسب قبل ما تناسب.
• لو كنتوا اخوات اتحاسبوا.
• الضفر ما يطلعش من اللحم.
• عامل زي الحمار في النجيلة، لا الحمار بيشبع ولا النجيلة بتخلص.
• اللي يغلط يتحاسب.
• السلف تلف والرد خسارة.
• الغريق بيتعلق بقشاية.
• نوم الظالم عبادة.
• صاحب الحق صوته عالي.
• داين تدان.
• الجعان يحلم بسوق العيش.
• شحات وعايز عيش فينو.
• اللي يصبر ينول.
• يا مربي في غير ولدك يا زارع في غير أرضك.
• خد الشر وراح.
• البطران سكته قطران.
• اللي يجمعه النمل في سنة ياخده الجمل في خُفّه.
• الحلو حلو لو قام من النوم والوحش وحش لو استحمى كل يوم.
• البحر غدار.
• كله مقدر ومكتوب.
• الزن على الودان أمرّ من السحر.
• اللي اتكسر مبيتصلحش.
• اللي يبص لعيشة غيره تحرم عليه عيشته.
• عقلك في راسك تعرف خلاصك.
• المكتوب على الجبين لازم تشوفه العين.
• يا قاعدين يكفيكوا شر الجايين.
• جيتلك يا عبد المعين تعينّي لقيتك عايز تتعان.
• كل جزرة وليها كيال.
• جبت الديب من ديله.
• الأكل في الشبعان خسارة.
• قال يا فرعون ايه اللي فرعنك، قال ملقتش حد يلمني.
• طلع من المولد بلا حمص.
• يوديك البحر ويجيبك عطشان.
• البكا على راس الميت.
• بعد العيد ميتفتش كحك.
• ربي يا خايبة للغايبة.
• المتربي في الخير يشم ايده يشبع.
• عقربة عالحيط ولا قعدة الراجل في البيت.
• اتغدى واتمدى واتعشى واتمشى.
• ابن الحرام مخلاش لابن الحلال حاجة.
• النبي وصى على سابع جار.
• انهاردة عندك بكرة عندي.
• جوّع كلبك يجري وراك.
• معرفة الناس كنوز.
• اللي متعوزش وشه بكرة تعوز قفاه.
• يا ناس يا شر كفاية قر.
• اللي عايز منك مصلحة يعملك في الحر مروحة.
• حصيرة الصيف واسعة.
• السكر قال للحلاوة ما محبة إلا بعد عداوة.
• من حبنا حبناه وصار متاعنا متاعه ومن كرهنا كرهناه يحرم علينا اجتماعه.
• وقت شغل البيت تعمل مريضة ووقت الأكل تقول فين معلقتي العريضة.