عبارات عن حب الوطن والحرب مكتوبة على صور

فريال محمود لولكآخر تحديث: 20/07/2025

عبارات عن حب الوطن والحرب

جدول المحتويات

الوطن عايش جواتنا، بدونو الروح بتنكسر، حتى لو كانت الحرب عاملة رضوض بمشاعرنا وضمور لأحلامنا، بيبقى الوطن غالي، من أحلى عبارات عن حب الوطن والحرب.

عبارات عن حب الوطن والحرب ومشقّتها

الوطن.. كلمة صغيرة بحروفها، كبيرة بمعناها، في سوريا، حوّلنا الحب والألم إلى كلمات عامية من القلب، تعبّر عن اشتياقنا للدار وصمودنا أمام الحرب.. هنا، بعض العبارات اللي راح تحسّك إنه الوطن – مهما بعدنا – دايماً بالدم وبالروح.

ملاحظة: لتحميل الصور بدقة عالية، يُرجى الضغط مطولاً على الصورة ثم اختيار ‘تنزيل’ أو ‘حفظ الصورة’.

حب الوطن… كلّفنا دم شبابنا وأحلامنا!.

تحت ظل الدالية، خبينا ذكريات سنين وليالي عشناها على هالأرض!.

شوف أنا ما خترت ديني ولا طائفتي، بس اخترت إنسانيتي اللي بتجبرني حبك لأنك ابن أرضي.

ياريتني بكيت من صوت المدفع بوطني، ولا بكيت من غياب صوت السَكينة بالغربة!.

بالمحبة اللي انصقلت فيها أخلاقنا، رح نرجع وترجع هالبلد أحلى من الأول.

كلمات في حب الوطن

شو ما عملت فينا هالحرب، بيعز عليّ اترك هالأرض وعاملها معاملة الفندق!.

أمي… الحبل السري بيني وبين هالأرض بعدو ما انقطع، أيمت بيخلص المخاض يا أمي؟!.

ليك ما تفكر أنو العتمة رح تطول على بلدي، جاي يوم ورح تطلع شمس جديدة!.

ببلدي…. الأحلام بتوقف على طابور مابيخلص، والشباب بيدبل بلا ماحدا يسقيه حنية!.

الوطن صنع منا رجال، أد ما عصفت فيهم الحرب، بيوقعوا واقفين!.

أجمل ما قيل عن محبة الوطن ومشقّة الحرب

عرفت متأخر، أنو دخان الحرب ببلادي أنضف من الهوا اللي بتنفسو بالغربة!.

ليك هيي القصة كلا، أنو صعب تترك هالأرض "ببساطة" لأنو جذورك معلقة فيها!. — ليك هيي القصة كلا، أنو صعب تترك هالأرض “ببساطة” لأنو جذورك معلقة فيها!.

هالوطن يا خيي رح يخلينا ما نقول بحياتنا؛ آلا ليت الشباب يعود يوماً.

مافيي اسمع فيروز برا حدود البلد، بحس أنو صوتا معلّق هون، مع شجرة الغار وكاسة المتة!.

صح هالحرب أكلت من روحنا، والسوس نخر فينا، بس أكيد نور الله رح يمرق بيوم جوا كل نخر ويبدلو بحنية!.

تم التصميم بواسطة: محمد مشهدي.

تم نسخ الرابط

فريال محمود لولكآخر تحديث: 20/07/2025

هل كان المحتوى مفيداً؟

نعم

لا

شكراً لملاحظاتك.

فريال محمود لولك

الكتابة هي السبيل للنجاة من عالمٍ يسوده الظلام، ننقل بها سيل المعلومات لتوسيع مدارك القارئ المعرفية، أنا فريال محمود لولك، من سوريا، خريجة كلية التربية اختصاص معلم صف، وكاتبة منذ نعومة أظفاري، من وحي المعاناة وجدت في الكتابة خلاصي، ورأيت بها نور الله الآمر بالعلم والمعرفة، فاقرأ باسم ربك الذي خلق. فإن القراءة هي الطهارة لعقلك من كل جهل.