قائمة نكت حمصية مضحكة للغاية قصيرة وطويلة
يُعدّ الضحك من السبل الوقائية ضدّ الاكتئاب والمشاعر المؤلمة، لذا نعرض لكم في هذا المقال قائمة نكت حمصية مضحكة تقضي على الهمّ والغمّ والحزن في القلوب.
نكت حمصية مضحكة للغاية
إنّ مدينة حمص الواقعة في دولة سوريا هي مرمى سهام النكات، حيث أنّ جذور النكتة في سوريا ترجع لهذه المدينة، مما جعلها عاصمة الضحك والترفيه والتسلية، لذا نقدم في السطور التالية بعضاً من النكات الحمصية الشهيرة:
- وحدة أهدت صاحبها الحمصي ببغاء، وبعد كم يوم سألته شو رأيك بالهدية؟ قلها الحمصي: عادي طعمه متل طعم الجاج ما في فرق.
- في واحد حمصي كان محتاج ومتدايق على مصاري، راح صلّى صلاة الجمعة وبعد ما خلص صلاة راح للشيخ وسألو: شيخي الجامع مو للكل، جاوبو الشيخ وقلو: طبعاً يا ابني للكل، قلو الحمصي: طب أنا بدي بيع حصتي فيه بدي مصاري محتاجن.
- في واحد حمصي اتصل على الإطفاء قلن شو إذا مافي حرايق ما بنشوفكن يعني؟!
- كيف بتعرف إنو الشغالة (الخدامة) حمصية؟ لأنها بتنظف المصعد في كل طابق.
- في رجل حمصي توفى أبوه، وبعد ما غسلوه قالوا الناس لابنو أعطي الي غسله 10,000 ليرة، قلن ليكون مغسل سيارة مرسيدس وانا مو عارف.
- في حمصي فات للصيدلية قلو للصيدلاني بدي إبرة (حقنة) من اللي بتاخدها مرتي، قلو الصيدلاني: شو اسمها؟ قلو الحمصي: مديحة.
- واحد حمصي تخانق مع صاحبتو، راح بعتلها رسالة وقلها فيها: أنا عملت حادث بالسيارة ومتت.
- حمصي وقع من الدرج، راح للدكتور فقام الدكتور عطاه مرهم، قلو ادهنه بالمكان يلي وقعت عليه، راح الحمصي ودهن المرهم على الدرج.
- حمصي قرر يعمل لزوجته مفاجأة بمناسبة عيد ميلادها، فقام رمى عليها يمين الطلاق.
- صحفي سأل حمصي: كم نسبة البطالة في حمص؟ جاوبو الحمصي: الحمد لله حمص كلها أبطال.
- حكموا على مجرم حمصي بالإعدام شنقاً، ولما علقوه بالمشنقة صار يأشر بإيدو، نزلوه وقالولوا شبك؟ قلن: الله يخرب بيتكن كنت رح موت.
- حمصي راح على الصين، وهو بالشارع اجا حرامي وسرقلو أغراضو، راح على المخفر ليشتكي، قلو الضابط اوصفلي شكل الحرامي، جاوبو الحمصي: إذا الله ما كذبني يا إنت يا أما اللي قاعد جنبك.
- أستاذ رياضة حمصي عم يقول للطلاب، بتعرفوا إنو المشي لمدة ثلاثين دقيقة يعادل مشي نصف ساعة كاملة؟
- واحد حمصي محروقين أدانو التنتين، سألوه رفقاتو ليه أذانك محروقة، جاوبن كنت قاعد عم أكوي القميص، ورن التلفون فشلت المكواية وحطيتا على أدني بدل التلفون، سألوه طب والأدن التانية كيف انحرقت؟ قلن الحمصي لأنو الي دق أول مرة، رجع ودق مرة تانية.
- طالب حمصي سألو أستاذه بالمدرسة، شو رح تصير لمن تكبر؟ جاوبو الحمصي: رح صير ختيار.
- حمصي طلع بالطيارة، وبعد شوي إجت المضيفة وسألتو: بتحب تشرب مشروب غازي؟ قلها ليه غازي ما بدو المشروب تبعه؟
قائمة نكت حمصية قصيرة
قائمة نكت حمصية قصيرة نعرضها لكم، حيث تعدّ النكات الحمصية رمزًا للترفيه والتسلية فهي فريدة النوع لا مثيل لها في العالم العربي، والنكات هي:
- حمصي راح ع وزارة الداخلية وقلن: بدي صير رئيس الجمهورية، قلو الموظف: أنت مجنون؟ قلو الحمصي: هاد شرط يعني؟
- وقع واحد حمصي بحفرة كبيرة، وصار يصرخ الحقوني يا ناس، فوقع وراه عشر حماصنة.
- حمصي جابت مرتو صبي، راح سمّاه بابا، قالولوا الناس ليه سميته هيك، قلن: سميته ع اسم أبي.
- واحد حمصي حضر جنازة، سأل الناس شو كان بيشتغل المرحوم؟ جاوبوه إنو كان بيحفر قبور، قلن سبحان الله من حفر حفرةً لأخيه وقع فيها.
- واحد حمصي بيصلي بالجامع وفي جنبه واحد سوداني، قال الإمام استووا، قلو الحمصي نحنا استوينا بس الي جنبي احترق يا شيخ.
- حمصي قلو الدكتور لازم تمشي كل يوم 5 كيلو متر، بعد كم يوم اتصل الحمصي على الدكتور وقلو: صرت بحلب شو اعمل بعد هيك؟
- حمصي قاعد ع شطّ البحر، شاف نملة ميتة سأل صاحبو يا ترى هي النملة ليش ميتة، قلو صاحبو: شكلا من ضحايا التاتينك.
- واحد حمصي اجاه أربع صبيان فسماهم ذيب وكليب وفهد ونمر، سألوه الناس عن السبب فجاوب: مشان أناديلهم يا حيوانات.
- حمصي بدو يبيع سيارتو وهي من من نوع سابا، قلو صاحبو حط عليها علامة بي إم دبليو مشان ترفع السعر، وبس باع سيارتو قلو رفيقو انت مجنون حدا ببيع بي إم دبليو.
نكت حماصنة طويلة
يبحث الكثير من الناس عن النكات الحمصية المضحكة والمبهجة، وذلك لمشاركتها مع العائلة والأصدقاء عبر مواقع التواصل الاجتماعي، وهذه بعض النكات الطويلة التي تنتمي لشعب حمص الكريم:
- واحد حمصي فات لعند مرتو فرحان كتير، استغربت مرتو من الوضع وسألتوا ليه راجع ع البيت اليوم فرحان كتير؟ قلها والله يا مرتي فرحتي ما بتنوصف قالتلو ليه، قلها: مو الناس بطلت تحكي علينا نكت، فرحت مرتو كتير وقالتلو قول ما شاء الله ودق ع الخشب، قام دق تلات مرات، قالت مرتو: مييين؟ قلا اقعدي انا بفتح الباب.
- مجموعة حماصنة راكبين بسفينة سياحية، واكتشف القبطان انو في قنبلة على السفينة، راح للراكبين وجمعهن بمكان واحد، وقلن: بدنا نلعب لعبة بدنا نعد للعشرة وبعدين كلنا بنقول بوووووم، وفعلًا عدّ الكل للعشرة وبعدين قالوا بوووم وبنفس الوقت فجرت السفينة وكل واحد من الركّاب راح بجهة من البحر، وواحد منن كان متمسك بقطعة خشب من السفينة وطافي على سطح البحر، وشاف القبطان بنفس وضعو، قلو: يا زلمة ما ابيخك على هاللعبة ما لقيت غيرا.
- عصفور حمصي كان طاير بين السيارات بالشارع وفجأة ضرب بزجاج سيارة قدامو ووقع ع الأرض مغمى عليه، راح صاحب السيارة وأخدو للعصفور وعالجو وحطو بقفص وحطلو مي وأكل، فاق العصفور لقى حالو بقفص، قال لحالو: العمى! معقولة راح فيها صاحب السيارة وحطوني بالسجن؟!
- واحد سأل صاحبو الحمصي، قلو شو مكونات البحر، قلو الحمصي 10% مي، و40% ملح والباقي منيح، قلو صاحبو فهمنا انو في مي وملح، بس شو يعني المنيح الي بالبحر، جاوبو الحمصي قلو المنيح هاد الي عملتو عملتو مع الناس وكبيتو بالبحر.
نكت حمصية بايخة
هنالك الكثير من النكات الحمصية التي تندرج تحت المصطلح العامي (بايخة) وذلك كنايةً عن أنها غير مضحكة على الإطلاق، وإليكم بعضاَ من هذه النكات البايخة من حمص:
- حمصي راح للدكتور وعمل فحص وأشعة، قلو الدكتور: مع الأسف معك سرطان بالمخ، قام الحمصي وقال: الله أكبر طلع عندي مخ.
- وحدة حمصية أخدت حذائها وخيطتو عند الكندرجي، وبعد أسبوع شافت الحذاء صار منيح كتير قام فكت القطب.
- الحماصنة بس يتحمموا، شو بيعملوا بس يخلصوا؟ بيشلحوا التياب المبلولة تبعن.
- أحذية الحماصنة مميزة ليه؟ لأنو بكون مكتوب جواتها الأصابع أولاً.
- واحد حمصي فتح محل ببيع فيه ثلج، وراح سماه محل حمص لبيع المياه اليابسة.
- ولد حمصي سأل أمو الحامل: إنتي بتحبي أخي الي ببطنك؟ قالتلو أمو: إي حبيبي طبعا بحبو، قلها: لكن ليه بلعتيه؟
- حمصي رشح حالو للإنتخابات، وحط بالبرنامج الإنتخابي 1- مكافحة التلوث، 2- نقل مدينة حمص من شرق المصفاة إلى غربها.
- ليه ظروف شاي لبتون انفقدت في حمص؟ لأنو الحماصنة استعملوها علاقات مفاتيح.
- الدجاج الحمصي كلو انتحر ليه؟ لأنو الحماصنة صارو يستعملوا الماجي.
- مرة واحد مستشرق زار مدينة حمص، رجع منها على بلده مستغرب.
- حماصنة سمعوا إنو في عاصفة جاية ع حمص، راحوا حطو لافتة أولها وكتبوا درعا ترحب بكم.
نكت حمصية جديدة
نقدم لك أيها القارئ العزيز أجمل نكت حمصية جديدة، والتي تنسيك الهم والحزن، وتغسل قلبك من البؤس، وهذه النكات هي:
- واحد حمصي حب يغازل وحدة بالشارع، قلا شو اسمك يا حلوة، جاوبتو اسمي بتلاقي بالحدايق بين الزهور، قلا بربيش مثلاً؟
- حمصي بليلة عرسو ما عرف شو بدو يحكي مع مرته، قلا بدي أسالك سؤال، قالتلو وهي مستحية تفضل، قلا: أهلك بيعرفوا إنك عندي؟
- حمصي اجتمع مع رفيقه وقلو: شو رأيك يا صاحبي تاخد إجازة شهر، وأنا باخذ إجازة شهر وبنسافر على فرنسا شهرين.
- مرة أعلنوا عن حظر للتجوال بحمص، قام أهل حمص كلن طلعوا من البيوت ليعرفوا شو اللي صاير.
- واحد حمصي راح يخطب بنت، قلو أبوها إنو مهرها 1,000,000 ليرة، قلو خير ان شاء الله عمي، والله لقيت وحدة بألف ليرة لا وحامل كمان.
- واحد حمصي عم تتغزل فيه صاحبتو وقالتلو على فكرة إنت بطل، قلها لكن انا أصلاً شهيد بمعركة حطين.
- واحد حمصي عم يبشر بنتو إنو صار عندها أخ، قالتلو البنت بالله عليك يا بابا لا تقول لماما خليها مفاجأة.
- واحد حمصي كان عم يلحق الحرامي قام سبقو.
- واحد حمصي طلعلو مارد قلو اطلب وأتمنى، قلو الحمصي بدي تبنيلي جسر من هون لأمريكا، قلو المارد اطلب شي يفيدك، قلو الحمصي بدي صير أذكى واحد بالعالم، قلو المارد قديه بدك عرض الجسر؟
- حمصي راح ع محطة القطار ليشوف صاحبو الشامي، وهنن عم يحكو مشي القطار، وبلش الحمصي والشمي يركضوا مشان يلحقوه، وبالآخر ركب الحمصي بالقطار والشامي ما لحق من كثر الضحك، سألوه الناس ليه عم تضحك، قلن رفيقي الأجدب ركب بالقطار وهو أصلاً جاي يودعني.
- واحد حمصي عم يقول لصاحبو الشامي، عم شوف نقط سودة طول النهار، قلو الشامي شفت دكتور العيون، قلو الحمصي لا بش شفت نقط سودة.
أحلى نكت ليش الحمصي
من أحلى النكات الحمصية هي النكات التي تُفتتح بعبارة (ليش الحمصي) حيث تسرد هذه النكات أكثر المعلومات المضحكة عن (الحماصنة) وهي فقط للتسلية وليست تُعبّر بشكلٍ حقيقيٍ عن أهل مدينة حمص، وفي القائمة التالية بعضاً منها:
- ليش الحمصي ما بياخد استراحة أكثر من 10 دقايق بالشغل؟ منشان ما يضطر يتعلم الشغل من أول وجديد بعد الاستراحة.
- ليش الحمصي بياخد العلاج والدوا قبل بنص ساعة من الموعد الأساسي؟ مشان يفاجئ الجراثيم.
- ليش الحمصي بياخد الدوا أو العلاج بعد ساعة من موعده؟ منشان يغيظ الجراثيم.
- ليش الحمصي بيخبي قداحة تحت المخدة؟ منشان يقدحا نومة.
- ليش الحمصي بيخبي قنبلة تحت المخدة؟ منشان يروح فاقعها نومة.
- ليش الحمصي ما بيربح بتجارة الموز؟ لأنو كل ما يشوف موزة مايلة يكبها.
- ليش الحمصي بيلبس جرابات خضر؟ لأنو خضر لابس جراباتو.
- ليش الحمصي الصغير ذكي أكتر من الحمصي الكبير؟ لأنو ما إلو زمان حمصي.
- ليش الحمصي بحط خيارة تحت المخدة؟ لأنو إذا حط بندورة بتنفعس.
- ليش الحمصي بيفرش فرشتو برا البيت وبنام جواه؟ منشان يضحك على البرغش.
- ليش الحمصي بيلحق سيارة الزبالة؟ منشان يقول للشوفير إنو في شبين متعلقين بالسيارة من ورا.
- ليش الحمصي ما بيغرق بالمي؟ لأنو لوح.
إتبعنا
