نكت سورية طويلة وقصيرة مضحكة جداً
تُعرف النكتة السورية بأنها المرآة التي تعكس ثقافة شعبنا العريق، بسبب قدرة السوريين على استنباط النكتة من عُمق الألم، إليك مجموعة نكت سورية مضحكة للغاية.
نكت سورية طويلة مضحكة جداً
- سوري قال لرفيقو: روح جبلي علاماتي من الجامعة بس أصحك تقول قدام أبي شي، إذا شفتني رسبان بمادة قلي محمد بسلم عليك وإذا مادتين قول محمد ومحمد بسلمو عليك، رجع رفيقو من الجامعة وخبرو: أمة محمد كلها بتسلم عليك.
- رقم عشرة قرر يعزم الأرقام كلها على حفلة عيد ميلادو، ماعدا رقم 8 لانو متقاتل معا، ووقت اجا موعد الحفلة شاف رقم 8، بترقص بالحفل، ركض لعندا وقلها أنا مو خبرتك ماتجي؟ قالتلو: اهدا اهدا أنا الـ 0 بس رابطة ع خصري شال.
- ولد بقول لأبوه: بابا بكرا بس كبرت مارح أتزوج لأني بخاف من كل النسوان، رد أبوه: ابني بكرا بس تزوجت رح تخاف من وحدة وتحب كل النسوان لا تاكل هم.
- واحد سرق ديك من قن الدجاج وركض لعند مرتو قلها اليوم راح ناكل ديك مشوي بالفرن، قالتلو: مافي كهربا، قلها طب مسلوق: قالتلو مافي غاز، قلها طب منشويه عصوبيا الحطب، قالتلو كمان مافي حطب، نط الديك وصرخ: لك الله محيي سوريا.
- واحد سوري ماسك كلب وواقف بالشارع، مرّت عليه وحدة ختيارة، وقالتلو: هل تعلمه الخيانة أم يعلمك الوفاء؟ قلها: لك ياحجة روحي امشي بطريقك وتوكلي على الله بلا ما فلّتو عليكي خليه يعلمك كيف بكون سباق 400 متر حواجز.
- سوداني سائح بسوريا، قرر يشتري دخان أسمو (كينت) دخل على محل وقال: كينت أبيض، قلو صاحب المحل، ولله لو تحلف مارح صدقك.
- في وحدة نزلت ضرب بولادها وصارت تقول: لك انتو مالكم ولادي ولا بعرفكم من يوم ورايح، رد ولد عاق من بينهم وقلها: طب ليش نازلة ضرب بولاد العالم؟.
- سوري بيخانق مرتو، قالتلو: بتعرف؟ بس اجت الكهربا رح كهرب حالي وموت، رد وقالها: وبدك تستني تسع ساعات لتجي الكهربا لسه؟ قام راح مشغل المولدة وقلها اتكلي ع الله.
- واحد حلبي بيقول للشامي: باركلي عالموبايل، رد الشامي: نشالله ألف مبروك، رجع الحلبي يقلو: لك باركلي عالموبايل، والشامي يقول: ولك ألف مبروك يازلمة شبك، قلو الحلبي لك باركلي عالموبايل يعني الموبايل تحتك لك خيو.
- في واحد شوفير على سيارة دفن الموتى، شاف بنت حلوة، راح قالها: تروحي مشوار معي؟، قالتلو: لاء، قلها تصطفلي أصلاً عم يموتو ليطلعوا معي!!.
- واحد طلع من الجامع شاف أنو جزمتو نسرقت، وقف وصار يقول: ولله إذا مارجعت الجزمة لحتى ساوي متل ما عمل أبوي!، سألوه الناس شو عمل أبوك؟ رجع ونادى وقال ولله إذا مابترجع الجزمة لأعمل متل ما عمل أبوي، قام راحوا الناس وجابولوا الجزمة وسألوه مرة تانية: أبوك شو عمل؟ قلهم: ماعمل شي بس راح حافي.
- وحدة ع فراش الموت، قالت لزوجها: سامحني أنا كنت بقول كلام عن أمك عمرو ماصار، قلها: عادي يازوجتي، ربنا غفور رحيم، قالتلو: كمان كنت بنكد عليك عالطالع والنازل وبلا سبب، قلها: عادي انا مسامحك، قالتلو: وكنت بخليك تتكلف بمصاريف وراكم عليك ديون بس لشوف حالي قدام رفقاتي، قلها يابنت الحلال عم قلك كلو عادي لكن ليش أنا حطيتلك السم!!.
- وحدة فاقت بتدور على زوجها، شافتو قاعد بالصالون وزعلان، سألتو: شبك؟ قلها بتتذكري من عشر سنين وقت أبوكي شافنا سوا ورفع المسدس علي وهددني إذا ماتزوجتك ليحبسني لمدة عشر سنين؟ قالتلو: أيي؟ قلها لو كنت محبوس كنت هلق طلعت وخلصت.
- وحدة سألت زوجها: لو كسبت مليون دولار، وفي ناس بنفس الوقت أجو وخطفوني وطلبو فدية مليون دولار شو بتعمل؟ قلها: معقول يضرب معي الحظ مرتين!!.
- سوري شاف بفيلم أجنبي أنو الزوج بيركض يضم مرتو وهي تقلو بحبك، قام عجبتو الفكرة، ورجع البيت وضم مرتو وباس أيديها، ردت وقالتلو: دهباتي ماببيعن يعني ماببيعن!!.
- واحد شيخ بيخطب بالناس وبيقول: الكل لازم يحمد الله على نعمة وجود الزوجة بحياتو، ولازم كل واحد فيكم يرجع عالبيت يبوس ايد زوجتو، نط واحد وقال: بس أنا ياشيخي مو متزوج، رد الشيخ وقال: أنت بالذات لازم تبوس أيدك وش وقفا.
- وحدة زعلانة وشاكة بحبيبا أنو عم يخونا، قلها: لك شبك ولو ليش أنا بحياتي خنتك شي؟ ردت وقالت: أيي كتيييير، قلها: أي لكن ليش مستغربة هالمرة!!.
- في ولد راح عند أبوه وطلب منو 2000 دولار مشان يسافر، الأب رفض، راح الولد ضرب أبوه وسرق المصاري وسافر، بعد فترة اتصل بأبوه وقلو: سامحني بابا أني ضربتك وأخدت المصاري ومشان هيك بعتلك 20,000 دولار بدل اللي أخدتهم، رد الوالد وقال: عادي لك بابا أنا بعرف أنك ضربتني مشان مصلحتي.
- مسؤول ألماني بيحكي: كنت أمام خيارين إما أن أخدم وطني أو أسرقه لأعيل عائلتي، فاخترت الأول مجبراً أمام ضميري، رد المسؤول السوري: وأنا كنت قدام نفس الخيارين بس اضطريت أخود التاني لأنو الأول أخدو الألماني الله لايسامحو.
- ولد بيسأل أمو: ماما شو يعني ملاك؟ قالتلو: مخلوق جميل وبيطير، أجا الولد حكالها: مبارح بابا قال للشغالة ياملاك بس ماطارت! ردت وحكتلو: اليوم بتطير هيي وأبوك إن شاء الله.
- في واحد تزوج وحدة كانوا أهلو بيقنعو فيه إنها جميلة، بيوم العرس كشف عن وجها وشافها بتشبه صاحبو أحمد، راح انجلط وسألها: شو اسمك؟ قالتلو: جميلة!! راح قايلها: أي أي لسه اجلطيني وعذبي فيني لسه.
- أب اشترى جهاز كشف الكذب، وسأل ابنه: وين كنت؟ قاله الولد في المدرسه… الجهاز سلخ الولد كف! الاب قال لابنه: كمان بتكذب ولاااا!! ولك وانا قدك كنت اكل الكتب اكل… الجهاز سلخ الاب كف احمى! تدخلت الام وقالت لزوجها: بلا ضرب هاد ابنك!! الجهاز سلخ الام بُوكس نزل سنانها.
- ضابط التحقيق يقول للزوج: أنت شفت بعينك الحرامي وهو يخنق زوجتك بالحبل لحد ما ماتت؟ الزوج: ايه نعم هاد إللي صار وشفته بعيوني.!! الضابط: طيب بما انك شايفه بعيونك ليش ماتدخلت؟ الزوج: بصراحة انا كنت ناوي أتدخل، بس لقيته بيقدر عليها لحاله قلت ماله داعي اتدخل!.
نكت سورية قصيرة بايخة
- مرة واحد أعمى اتدين مصاري من واحد، وقلو بس شوفك برجعلك ياهن.
- واحد سوري سألوه: ما أجمل رائحة عندك؟ رد وقال: عندما اذهب إلى المنزل وأجد زوجتي رائحة عند أهلها.
- وحدة بتسأل رفيقتها: لك نحفانة شوعاملة؟ قالتلها رفيقتا: هاد كلو من زوجي العصبي النكد، قالتلا وشو مصبرك عليه؟ردت: باقيلي 6 كيلو بعد.
- شب بيسأل وحدة مايعة: أنت ذكية؟ قالت بدلع: أيي، قلها: عرفي التيار، قالتلو التيار هو البيتير بالتيارة.
- واحد أهبل ماتت مرتو بالكهربا، سألو الشرطي: ليش ما أنقذتها؟ قلو: والله فكرتها بترقصلي عراقي!!.
- واحد بخيل راح يخطب بنت طويلة، الأب قال: مهرها عشرة مليون، رد البخيل: ليش بكم حسبتلي المتر؟.
- ولد تسمم، قال الطبيب للاب: الولد شربان حليب خالصة مدتو، رد الأب وقال: أكيد رضعتو ستو الله يصلحها!.
- واحد أهبل راح يحلل بول، الممرضة قالتلو: بولك فيه سكر، رد الأهبل وقال: خجلتيني أنتي العسل ولله!.
- واحد بخيل كتير، فتح محل حلويات، وجاب عمال عندهم مرض السكر.
- واحد قرر يفكر بعمق ويصير فيلسوف، قام راح قعد بحفرة!!.
- مرة واحد رجع بكلامو، راح خبط اللي وراه.
- واحد مدرس انكليزي زوجتو جابتلو الأكل بلا خبز، راح قالها: معقول يعني أكول Have هيك!!.
- في صاروخ عمل ريجيم….. قام صار تحميلة!!.
- تاجر مخدرات راح يخطب بنت، سألو أبوها: شو بتشتغل؟ قالو التاجر: مهندس تكييف بشري!!.
نكت سورية عن المحششين
- في وحدة ختيارة بتزور قبر زوجها، طلعت من المقبرة وشافت محشش وسألها: شو بتعملي هون ياحجة؟ قالتلو: بزور قبر المرحوم، قلها وقديش عمرك؟ قالتلو: 90 سنة، قلها: طب محرزة يعني ترجعي عالبيت؟.
- محشش دخل على قن الدجاج عندو وهو معصب، وقالهم: بكرا بدي أجي ولاقي تحت كل وحدة فيكم أربع بيضات، فاهمين؟ ومسك دجاجة ومصع رقبتها قدام الكل مشان يخافو، أجا تاني يوم لاقى تحت كل دجاجة أربع بيضات إلا وحدة منهم، قلها: أنا شو قلت مبارح؟ قالت: الله ياخدك أنا ديك بس من الرعبة بضت بيضتين.
- محشش توفى رفيقو وقعد يبكي وينوح، اجا واحد يواسيه وصار يقلو: يازلمة شبك، كبرها بتكبر وصغرها بتصغر، رد المحشش وقال: يارجل هلق وقت الحزازير، أكيد مطيطة!!.
- محشش بخيل راح يزور زوجتو بالمستشفى، شاف عالباب مكتوب (ادفع)، راح قايل: يلا بزورها بالبيت أحسن.
- محشش قاعد بشرب سيجارة حشيش قدام أمو، الأم حششت من الريحة، راح المحشش قايل لأمو: أمي بحبك!، قالتلو الأم: برأيي خلينا رفقات أحسن.
- واحد محشش بيسأل الشيخ وبقلو: شيخي مبارح بالغلط عم قلّب بالتلفزيون لاقيت قناة فيا عارضات أزياء عاريات، شو كفارتها هي؟ رد الشيخ: لازم تتابع قناة الفضائية السورية سبع أيام بلياليها.
- محشش سوري قاعد بطيارة وجوعان، المضيفة اجت وجابتلو كوسايتين وحبتين ورق عنب، أكلهم ونادالها وقال: كويسين مستويين طفي تحت الطنجرة وهاتي الغدا.
- واحد محشش عنده قط، أخدو ورماه بالشارع، راح القط رجع لوحدو عالبيت، رجع أخدو ورماه قدام الجامع، رجع القط عالبيت لوحدو، رجع أخدو وحطو قدام المطعم، ورجع مرة كمان القط عالبيت لوحدو، راح مسكو ورماه بالصحراء، وبعد شوي اتصل ع مرتو وسألها: القط رجع؟ قالتلو: أي وقاعد بستناك، قلا: عطيه التلفون الله يخليكي بلكي بدلني عطريق الرجعة.
- محشش راح المستشفى ليشوف وضعو، قام الطبيب طلب منو يصوّر أشعة، سألو للطبيب: وين الأشعة؟ قال الطبيب: في الدور الثاني، طلع المحشش بالمصعد وفكر أنو هاي الأشعة، راح شلح تيابو ووقف، ولما انفتح باب المصعد شافتو وحدة وقعدت تصرخ، قلا: يستر عرضك لا تقولي سرطان!!.
تم نسخ الرابط
