أجمل نكت قصيرة مصرية تموت من الضحك

الشعب المصري متفرد بأسلوبه الفكاهي الذي لا يطغى عليه أسلوب، لذا إليك أجمل نكت قصيرة مصرية متنوعة ومضحكة للغاية.

نكت قصيرة مصرية مضحكة للغاية

لتثير الضحكة، عليك طرح نكتة متميزة وتثير الكوميديا في الأرجاء، وعند بحثك عن هذا النوع، تجد أن المصريين في صدارة تلك النكات، إليك أبرز النكت القصيرة المصرية المضحكة للغاية:

• حرامي دخل يسرق بيت لما إجا يطلع شافه الولد الصغير، قاله تسرق كتبي وشنطتي معاك ولاّ أصرخ وأصحي الناس.
• في واحد خيّاط، مشى في منطقة مقطوعة، قام راح مخيطها.
• مسطول بيسأل بنت، اسمك إيه؟ ردتلو: وعد، قالها: ولله ما هقول لحد.
• في واحد مسطول بياكل في ملعقة طويلة، سألو صاحبو: بتعمل كده ليه؟ قالو: أصل الدكتور طلب مني ابعد عن الأكل.
• سألوا واحد محشش: مين أهم الشمس ولا القمر؟ رد القمر طبعاً، بيطلع ينور لنا بالليل والدنيا ظلمة، إنما الشمس بتطلع بالنهار والدنيا نور أصلًا.
• محشش يسأل محشش تتوقع الجمعة يوافق آخر الشهر؟ رد عليه: لو ضغطنا عليه يمكن يوافق.
• في نمر كان بيجري ورا العربيه ليه؟ عشان كان بيلاحق النمرة.
• واحد كان بيصرخ في أخوه التوأم وبيقولو: أنت فين من الصبح؟ يخرب بيتك ياعم أمك خلتني استحمى مرتين.
• في محامي ماقدرش ياكل في البيت، عشان كانو موكلينو قضية في المحكمة.
• محشش راح ينام وحط المفتاح تحت الوسادة سألوه ليه؟ قال: علشان لو جاء حلم حلو أقفل.

أفضل 10 نكت مصرية تموت من الضحك

خفة الدم وحس الفكاهة، طابع خاص للمصريين، تميزوا وتفردوا به بشكلٍ ملحوظ، إليك أكثر نكت مصرية متميزة:

1. طالب بيسأل الأستاذ وبيقولو: يامستر هو ينفع حد يتعاقب على حاجة معملهاش؟ رد الأستاذ: لأ طبعاً ياحبيبي مينفعش، الطالب: طب كويس عشان أنا معملتش الواجب.
2. في واحد تايه كان بيسأل راجل في الشارع قدامه وبيقولو: يا أستاذ هو ايه أقرب طريق للمستشفى؟ رد الراجل وقال: غمض عينك وعدي الشارع.
3. ناموسة أول يوم ليها بتطير بيه، جه أبوها وسألها: إيه إحساسك؟ ردتلو: ولله يابابا اتبسطت أوي، أصل كل الناس كانت بتسقفلي.
4. في أستاذ كان بيقول لطلابه: أنتم مصابيح المستقبل، التفت طالب على صاحبو ولاقاه نايم، فراح قايل للأستاذ: يا أستاذ المصباح اللي جمبي بايظ.
5. واحد ومراته متخانقين فبطلوا يكلموا بعض فكتب ورقة صحيني الساعة 6:30 علشان عندي شغل، وحط الورق على السرير ونام صحي الساعة 10:00 فلقى ورقة مكتوب عليها الساعة 6:30 يلا إصحى.
6. مره واحده طلبت من جوزها 4 ألاف جنيه علشان تعمل عمليه تكميم للمعده فااداها 10 جنيه وقالها هاتي قفل للمطبخ أوفر.
7. مره واحده اتصلت ع مامتها قالتلها جوزي مزعلني وجايه اقعد عندكم قالتلها متجيش هو محتاج عقاب اكبر فأنا اللي هجيلك اقعد عندكم.
8. واحد محشش راح يشتري ساعة فقال للبائع: عندك ساعة تايمر؟ قال له البائع: لا، بس عندي ساعة بندقية.
9. محشش راح للدكتور وقال له: دكتور، أنا عندي حكة في الأذن، قال له الدكتور: استخدم القطن رد عليه المحشش: وبعدين أعمل إيه بالباقي؟.
10. مره واحد غبي بيسأل أبوه بابا ينفع أتجوز ستي قاله انت حمار يابني دي أمي هتتجوزها ازاي قاله عادي مانت متجوز أمي ومزعلتش.

نكت قديمة مصرية رائعة

يبقى وقع النكات المصرية القديمة له أثره الواضح في زرع البسمة على الوجوه ببساطة، إليك أكثر نكت قصيرة مصرية قديمة تبعث على الضحك المستمر:

• راح 3 صعايدة لمحطة القطر فكان القطر في الوقت دا بيمشي فراح اتنين من الصعايدة يجروا وراه ووقف التالت يضحك عليهم، ولما سأله أي سبب ضحك؟ فقال أصل أنا اللي مسافر، وهما كانوا جايين يوصلوني للمحطة.
• واحد غبي راح عند دكتور أسنان، وقاله أنت محتاج تقويم، فقاله ويا ترى هيكون هجري ولا ميلادي.
• كان طالب في اختبار مادة الكيمياء وجاء سؤال عن ما هو الشيء الذي لا يذوب في الماء، فأجاب السمك.
• واحد سكران قاعد يقسم مرتبه على المصاريف وقال 100 جنيه للإيجار، و 100 جنيه مصروف البيت، و 200 حشيش، ولقى الباب بيخبط قال مين؟ قاله بوليس، قام راح مقطع فلوس الحشيش.
• مرة واحد كل ما يعدى على البقال يقوله عندك جبنة؟ يقوله آه، يرد عليه أنا عايز حلاوة، كل مرة يعدى عليه يقوله كدة، فالبقال اتخنق فرد على أبو الواد وقاله ابنك كل مايشوفنى يقولى عندك جبنة أقوله آه يقولى طب إدينى حلاوة، فقاله هقولك على حل حلو عندك عصاية ؟؟؟ قاله آه قاله إديلو بالقلم.
• دخل صرصار سوبر ماركت كبير، ولما خرج منه كان سعيد أوي، وسأله صحابه أي اللي مفرحك كدا؟ قالهم أصلي لقيت صورتي على علبة كبيرة اسمها ريد للدرجادي أنا بقيت شخصية مشهورة وأنا معرفش.
• أربع مساطيل ركبوا طيارة هليكوبتر حسوا بالبرد قاموا طفوا المروحة.
• مرة عالم حب يعمل تجربة على ضفدعة قام قطع الرجل الأولى وقالها نطى فنطت، فكتب ملاحظة عند قطع الرجل الأولى للضفدعة تنط، فقطع الرجل الثانية وقالها نطى فنطت كتب نفس الملاحظة الأولى، وقطع الرجل الثالثة وقالها نطى، وبرضو نطت كتب عند قطع الرجل الثالثة الضفدعة تنط، قطع الرجل الرابعة وقالها نطى منطتش فكتب عند قطع الرجل الرابعة تفقد الضفدعة حاسة السمع.
• مرة مدرس كيمياء خلف ولد سماه سامي أكسيد الكربون.
• واحد فتح محل فراخ في مصر، جاله مفتش التموين وسأله بتأكل الفراخ إيه يا جحا؟ قاله رز، قاله المفتش مصيبتك سودا هو حد لاقي الرز؟ غرامة 100 جنيه، تاني يوم، رجع سأله: بتأكل الفراخ إيه يا جحا؟ قاله قمح، قاله المفتش مصيبتك سودا هو حد لاقي القمح؟ غرامة 100 جنيه، ثالث يوم، بتأكل الفراخ إيه يا جحا؟ قاله ذرة، قاله المفتش مصيبتك سودا هو حد لاقي الذرة؟ غرامة 100 جنيه، رابع يوم، بتأكل الفراخ إيه يا جحا؟ قاله بدي كل فرخة جنيه وهي تآكل اللي هي عايزاه.
• مرة واحد غبي قال لابن عمه: أمريكا طلعت القمر واحنا لازم نطلع الشمس، فرد عليه وقله: بس الشمس حر جداً، قله: مفيش مشكلة نطلعها بالليل.
• تزوج مدرس رياضيات من مدرسة رياضيات وكان ناتج هذه الزيجة هي طفل متساوي الساقين.

نكت مصرية رومانسية مضحكة

ليس هناك أجمل من خفة دم المصريين في طرح النكات المصرية المضحكة، إليك أبرز نكت قصيرة مصرية رومانسية ومضحكة للغاية:

• وحدة زعلانه من جوزها وبتقولو: أنت ليه مابتعملش زي جارنا أبو سعيد، ده بيبوس مراته كل يوم؟ قالها: ولله معنديش مشكلة خالص بس تفتكري هيا هتوافق؟.
• بعد نهار رومانسي، قرّب الزوج لزوجته وحضنها، قالتلو: ياااه بتحبني للدرجادي؟ ردلها وقال: اتنيلي مالقتش فوطه امسح بيها إيديا.
• زوج فرفور كانت مراته بتولد وبتصرخ، فقعد يلطم على نفسه ويقول: أنا السبب أنا السبب.
• واحد بيسأل خطيبته: في حد قبلي مسك ايدك ياحبيبتي؟ سكتت خالص فسألها: زعلتي؟ قالتلو لا ولله بس بعدّهم.
• في واحد بيقول لمراته: تعرفي لو كنتي في الهند كانو عبدوكي؟ قالتلو ليه بقا انشاء الله؟ قالها عشان هما بيعبدو البقر.
• واحده بتقول لجوزها، تصدق أنا كل يوم بفتكر يوم جوازنا، قلها إيه ده، هو أنتي لسه بتجيلك الكوابيس دي.
• في واحد ماسك عقد الزواج بتاعو، سألتو مراته: بتعمل إيه؟ قالها: بدور على تاريخ الانتهاء.
• في واحد حب يهزر مع خطيبته، قالها أول ما ازمرلك انزلي، قالتله: ايه ده هو انت شتريت عربية؟ قالها: لأه، بس اشتريت زمور عربية.
• وحده بتسأل جارتها، إنتي ازاي بتخلي جوزك يجبلك اللي انتي عاوزاه، قالتلها: سهلة اوي، بكتبها بأسلوب حلو، فمثلاً بكتب عاوزه جبنة بيضه زي قلبك، وسكر زي دمك، قامت الجارة راحت تعمل الحيلة دي على جوزها فكتبتلو: عاوزه ليفة خشنة زي شعرك، وبتنجان زي وشك، فراح جوزها مطلقها.

نكت بايخة مصرية قصيرة مضحكة للغاية

حتى النكات الساذجة السطحية بإمكانها أن تُحدث أثراً بين الجميع، إليك أكثر نكت قصيرة مصرية سخيفة:

• مره واحد غبي خبطته عربية فخد تعويض 1,000,000 جنيه، راح واقف على سكة القطر وفاتح درعاته وقايل: تعالالي يا ابو الملايين.
• مره واحد شغال في المرور خلف ولد طلع بيتكلم بلغة الاشارة.
• حاجه زرقا طايره في السما ايه هي؟ ذبابه لابسه بنطلون جينز ازرق.
• ليه الصعيدي لما بينام بيحط منبهين جانبه؟ علشان لما منبه يضرب التاني يحوش.
• مره واحد لسه متجوز سألوه بعد شهر العسل ارتحت ف الجواز قالهم عليا الطلاق بالتلاته أبوها هو اللي ارتاح.
• واحد محشش شاف النار مولعه في أمه قالها منوره ي حاجه والله.
• مره واحد راح يرفع قضيه علي جاره وقعت عليه.
• مرة واحد نام متاخر لقى الحلم بدأ.
• مره واحد غبي ركب تاكسي وخلى مراته تركب قدام علشان السواق ميبصش عليها في المراية.

نكت مضحكة موت قصيرة مصرية

ليس هناك أجمل من قراءة النكات التي تمنحنا شعور السعادة الخالص وتترك أثر الابتسامة على وجوهنا لوقتٍ طويل، إليك أبرز نكت قصيرة مصرية تموت من الضحك:

• موظف مصري بيسأل موظف أمريكاني: انته بتقبض كام؟ قالو: بقبض 700 دولار بدل مسكن، و200 بدل سفر و300 بدل فواتير، وانته بتقبض ايه؟ قالو: باخد 2000 جنيه، ردلو الامريكاني: ده بدل إيه؟ قالو: ده بدل ما اشحت.
• في واحد بيسألو القاضي: قتلت مراتك ليه؟ رد الراجل: يا سيدي دي بتحط على وشها خيار وعسل وطماطم ونشا وبيض وخميرة وبتعشيني أخر الليل جبنة!!.
• مصري راح يخطب سألو صاحبو: إيه النتيجة؟ ردلو: تعادل ياعم النتيجة 3:3، قالو ازاي يعني؟ ردلو: انا وابويا وامي موافقين، وهي وابوها وامها رافضين.
• سألو محشش: مين أفضل انسان؟ قالهم: صالح، عشان بيشرب الناس ويسقي الزرع، سألوه ومين صالح ده؟ قالهم معرفش بس كل مرة بشوف جملة ماء صالح للشرب.
• واحد كريم اتزوج وحده كريمة، خلفو ولد راحو مدينو لجيرانهم.
• وحدة صايمة، سألت الشيخ: ياشيخ انا اتزحلقت ووقع في بوقي حتة جبنة رومي وحتة كفتة وصباعين محشي، انا كده فطرت؟ ردلها الشيخ: لا يابنتي انتي كده تغديتي.
• واحد مهندس برمجة اتجوز وجاب بنتين توأم سمى واحدة لوجين وواحدة تانية سماها لوج اوت.
• تلميذ كسلان في المدرسة دخل الامتحان وقع القلم قام سلم الورقة.
• معلم طلب من التلميذ أن يرسم أكبر حيوان على السبورة قام التلميذ رسم نقطة على السبورة قال له إيه ده قال له ده فيل بس جاي من بعيد.