نكت مصرية مضحكة مكتوبة بالعامية المصرية
إذا كان مزاجك متعباً وتحتاج إلى ضحكة صافية، فهذا المقال مخصص لك تماماً، جمعنا لك أجمل نكت مصرية مضحكة ومكتوبة بالعامية المصرية، تصلح لأي جلسة مع الأصدقاء أو الأهل.
نكت مصرية مضحكة جداً مكتوبة بالعامية المصرية
- واحد قاعد يحمد ربنا إنه مش صيني، صاحبه سأله: ليه؟ قاله: أنت غبي؟ أنا ما أعرفش ولا كلمة صيني!
- حرامي دخل يسرق بيت، ولما جه يطلع شافه الولد الصغير، فقاله: تسرق كتبي وشنطتي معاك، وإلا أصرخ وأصحي الناس!
- واحد مسطول لقى ست ماسكة فيها النار، راح قالها: منورة يا حجة!
- واحد ومراته متخانقين وبطلوا يكلموا بعض، فكتب لها في ورقة: «صحيني الساعة 6:30 علشان عندي شغل»، وحطها على السرير ونام، صحي الساعة 10:00، لقى جنبُه ورقة مكتوب فيها: «الساعة 6:30، يلا اصحى!».
- سألوا واحد محشش: مين أهم، الشمس ولا القمر؟ قال: القمر طبعاً، بيطلع ينور لنا بالليل والدنيا ظلمة، إنما الشمس بتطلع بالنهار والدنيا نور أصلاً!
- راح طفل لأبوه المحشش وقاله: أنا عايز مدرس خصوصي في البيت، رد عليه أبوه: أوعدك لو نجحت السنة دي هجيبلك واحد!
- واحد عنده عربية قديمة وعايز يبيعها ومش عارف، صاحبه قاله: حط عليها علامة مرسيدس وهتتباع فوراً، عمل بنصيحته، وبعد أسبوع صاحبه سأله: بعت العربية؟ قاله: أنت عبيط؟ حد يبيع عربية مرسيدس!
- راح راجل للدكتور، فسأله الدكتور: أنت عندك إيه؟ قاله: عندي عيلين وخروف!
- محشش بيسأل صاحبه: تتوقع الجمعة يوافق آخر الشهر؟ رد عليه: لو ضغطنا عليه يمكن يوافق!
- طالب محشش كان في اختبار الكيمياء، وجه سؤال: «ما الشيء الذي لا يذوب في الماء؟»، فكتب الإجابة: السمك!
- مسطول دخل محل بقالة وخرج يضحك، سألوه: بتضحك ليه؟ قالهم: عطيته جنيه وما اشتريتش حاجة!
- واحد غبي بيلعب بقنبلة وبيحدفها من إيده اليمين لإيده الشمال، واحد شافه وقاله: خلي بالك لتنفجر فيك! رد عليه: ما تخافش يا عم، معايا واحدة تانية!
- محشش سأل صاحبه: إيه أخبار أبوك؟ وبعدين افتكر إن أبوه ميت، فكمل بسرعة: لسه في نفس التربة؟
- واحد بخيل فضل واقف قدام محل ومش داخل، عشان الباب مكتوب عليه، ادفع.
- بخيل دهن حيطة واحدة أبيض وكتب على باقي الحيطان: نفس اللون.
- بخيل ابنه حلم إنه إداله ألف جنيه، قاله: رجّعهم يا حبيبي أنا كنت بهزر.
- بخيل كاتب على باب بيته: محدش يرن الجرس، أنا هفتح كل خمس دقايق.
- بخيل الدكتور سأله إيه أكتر حاجة بتوجعك؟ قاله: لما أدفعلك الفلوس.
- بخيل وقعت دبانة في الشاي بتاعه، مسكها وقعد يهزها لحد ما ترجّع اللي شربته.
- بخيل اتعور ونزل منه دم، قالوله نجيبلك دكتور؟ قال: لا، شوفولي حد يشتري الدم.
- بخيل اتجوز بخيلة، خلّفوا بنت سمّوها حصّالة.
- بخيل قاعد في البلكونة متعصب، مراته سألته ماله، قالها: الصيدلية عاملة خصم ومحدش فينا عيان.
- واحد اشتغل سواق تاكسي في الصين، كل ما يقف لحد يقوله: أنا لسه منزّلك من شوية.
- طالب كسلان وقع منه القلم في الامتحان، قام سلّم الورقة.
- مدرس قال لطالب: مش عيب تجيب صفر؟ قاله: أمال بتديهولي ليه.
- طالب رفع إيده: أنا مش عارف أجاوب.الأستاذ: اسأل اللي جنبك.قاله: هو كمان مش عارف.
- طالب حط إجابة واحدة على كل الأسئلة، أنا مريض، النتيجة طلعت: راسب (سلامتك).
- مدرس سأل: ليه البحر الأسود اتسمّى كده؟ طالب جاوب: زعلان على البحر الميت.
- مدرس تاريخ: الرومان عملوا إيه لما عبروا البحر المتوسط؟ طالب: نشّفوا هدومهم.
- أب لابنه: ياريت تقعد على الكتاب زي ما بتقعد على الكمبيوتر — الولد حط الكتاب على الكرسي وقعد عليه.
- أب دخل على ابنه ليلة الامتحان لقاه بيلعب، قاله هتحل إزاي بكرة؟ قاله: بالقلم.
- مدرس علوم: إيه فايدة الودان؟ طالب: تمنع النضارة إنها تقع.
- مدرس: إيه اللي يثبت إن الجزر بيقوّي النظر؟ طالب: مفيش أرنب لابس نضارة.
- مدرس: إزاي نخلي المدرسة نضيفة؟ الطالب: منروحش.
- مدرسة رياضيات خبطتها عربية، قالولها عندك كسور، قالت: وحّدوا المقامات.
- مدرس اتجوز مدرسة، كتبوا الكتاب على السبورة وزفّوهم بالطباشير.
- مدرس سأل: الثعلب بيبيض ولا بيولد؟ الطالب: ده مكار، توقع منه أي حاجة.
- طالب رسم دايرة أكبر من الورقة، كتب للمدرس: باقي الدايرة مرسوم على الترابيزة.
- مدرس: ليه القلب بيدق؟ الطالب: عشان المعدة ترقص.
- مدرس طلب موضوع تعبير عن ماتش كورة، طالب كسلان كتب: الجو كان وحش والماتش اتأجّل.
- مدرس علوم قال الزواحف ليها سنان والطيور لأ، طالب قاله: يبقى جدتي من الطيور.
- مدرس علوم: إيه سبب زيادة ضربات القلب؟ الطالب: الامتحان يا أستاذ.
نكت مصرية منوعة ومضحكة
- طالب خرج من الامتحان أول واحد، سألوه ليه؟ قال: أبويا قالي عايزك تطلع الأول.
- أخطبوط بيعيّط في المية، سألوه مالك؟ قال: مش عارف إيدي من رجلي.
- واحدة متجوزة مدرس رياضيات، قالتله الغسيل اتنشر، قالها: لأ، ثلاثة عشر.
- واحد جاب كبريت لمراته، قالتله مش بيولّع، قالها: إزاي وأنا مجرّبهم عود عود وأنا جاي؟
- واحدة قالت لجوزها نذبح خروف بمناسبة ٢٥ سنة جواز، قالها: وإيه ذنب الخروف في غلطة عملها حمار؟
- ولد سأل أمه الحامل: بتحبي أخويا اللي في بطنك؟ قالت أكيد، قالها: أمال ليه بلعتيه؟
- صاحب عربية كشري عطلت منه، نزل واداها دقة.
- بنت اسمها هالة حطت كونسيلر، اختفت.
- واحد رخم سأل واحد أرخم منه: الطماطم لما بتعطس بتقول إيه؟ قاله: كاتششششب.
- خليجي دخل يحلق عند حلاق مصري طلع أقرع ليه عشان كل ما الحلاق يقوله كويس كدا الخليجي يرد عليه والله ما قصرت.
- زوج فرفور مراته بتولع وقاعدة تصرخ وهو واقف بره يلطم ويقول أنا السبب أنا السبب.
- مره اتنين كانوا رايحين عالبحطه لقوا القطر اتحرك من مكانه فوواحد فضل يجرى لغايه ماركب والتانى مقدرش يجرى من كتر الضحك فوواحد سأله قاله بتضحك ليه قاله اصل اللى ركب ده كان جاى يوصلنى.
- يا مستر هو ممكن الواحد يتعاقب علي حاجه معملهاش لا طبعا يا حبيبي طب كويس أصلي معملتش الواجب.
- تلميذ بيقُول لمامته تعالى معايا المدرسه بكره قالتله ليه يا حبيبي قالها المستر قال اللى مش هيعمل الواجب هضرب أمه بالجزمَة.
- واحد غبي نايم جنب مراته فبتقتوله بردانه قالها اتغطى كويس قالتله يا راجل لسه بردانه قالها اتغطى كويس أوي قالتله يا راجل بقولك بردانه قالها اتغطى كويس أوي أوي قالتله أنا لما كنت عند ماما كنت اقولها بردانه كانت بتحضني قالها ده اللى ناقص أجيب أمك تنام في وسطينا.
- واحد مصري سألوه: ليه بتحط ساعتين في إيدك؟ قال: واحدة بتوقيت القاهرة، والتانية عشان ما أتأخرش!
- واحد بيسأل صاحبه: إنت لسه خاطب؟ قاله: لا، قاله: أحسن، دي كانت وحشة، رد عليه: أنا اتجوزتها!
- مرة واحد قاعد مع عيلته فقال: عطشان، جري أخوه الصغير وجابله مية، فقاله: إنت بقيت محترم كده ليه؟ قاله: أخدنا درس النهارده إن واحد دخل الجنة لأنه سقى كلب.
- واحد مصري اشترى عربية جديدة، صاحبه سأله: إيه الموديل؟ قاله: موديل القسط الشهري!
- عجوز راحت الصيدلية تشتري علاج للمفاصل، قالها الصيدلي: أمري يا قمر؟ رمت العكاز وقالت: مرطب شفايف لو سمحت!
نكت مضحكة موت مصرية
- واحد مصري قال لصاحبه: تعال نلعب شطرنج، صاحبه قاله: مش بعرف، قاله: طيب خلاص، أنا كسبت!
- واحد حرامي دخل على واحد نايم في أوضته وسرق منه المحفظة، لقاها فاضية، رجعهاله وقاله: إنت ليك نفس تنام؟
- قال لها: سنمشي في دروب الحب قدماً بقدم، نظرت إليه وقالت: يعني ما عندكش عربية؟!
- واحد محشش حران أوي، ومعندوش مروحة ولا تكييف، أخد دواء خافض للحرارة.
- واحد مصري قال لمراته: إنتِ بتفكريني بالقمر! قالت: يعني حلوة؟ قال: لا، بتطلعي بالليل وبتختفي الصبح!
- واحد راح يعزي في ميت، لقى صاحبه على الباب وقاله: إنت عزيت؟ قاله: لا، على السمنة الفلاحي!
- واحد مصري جاله اتصال من رقم غريب، رد وقال: مين؟ قالوله: إحنا شركة بنقدملك عرض، قال: لا شكراً، أنا عندي عرض كل يوم، عرض الحال!
- واحدة بتوصي بنتها: لازم تخلي بالك من تصرفات جوزك، يعني لما يرجع من الشغل بصي على كتفه، لو لقيتي شعرة صفرا قوليله: مين الشقرا اللي كنت معاها؟ ولو لقيتي شعرة سودا قوليله: مين أم شعر أسود اللي كنت معاها؟ رجع جوزها وقعدت تدور على كتفه، مالقتش حاجة، فقالتله: لاااا، الحركات دي مش عليا! مين القرعة اللي إنت كنت معاها؟!
- واحد مصري قال لصاحبه: عارف يعني إيه صبر؟ قال: أيوه، قاله: يعني تشتغل الشهر كله وتقبض في ثانية!
- واحد صعيدي رمى خطيبته من فوق جبل وماتت، قالها: أبّاي! ما تتحمليش هزار؟
- واحد مصري بيقول: أنا مش كسلان، أنا بس بوفر طاقتي لحاجة مهمة لسه ما جاتش!
- واحد مصري دخل مطعم وقال للجرسون: عندكم فول؟ قاله: لا، قال: طيب عندكم طعمية؟ قاله: لا، قال: أمال إنتوا فاتحين ليه أصلاً؟!
- واحد غبي بيسأل أبوه: بابا، ينفع أتجوز ستي؟ قاله: إنت حمار يا ابني؟ دي أمي، هتتجوزها إزاي؟ قاله: عادي، ما إنت متجوز أمي وأنا ما زعلتش!
- واحد مصري سواق تاكسي سأله الراكب: الشارع ده يوديني فين؟ قاله: الشارع مش هيوديك حتة، أنا اللي هوديك!
- زوجة وهي بتموت بتقول لجوزها: محمد، أنا عايزة أعترفلك بحاجة، قالها: خير يا سامية؟ قالتله: عايزاك تسامحني، أنا كنت بوقع بينك وبين أمك، وكنت بفتري عليها وأقول حاجات ما حصلتش، قالها: انسي اللي فات، ربنا غفور رحيم وأنا مش زعلان، قالتله: وكمان كنت بقصقص ريشك وأورطك في ديون عشان ما تفكرش تتجوز عليا، قالها: يا سامية خلاص، انسي، قالتله: وكمان كنت بنكد عليك على الفاضي والمليان ومن غير سبب، قالها: خلاص بقى، والله أنا عارف كل ده، هو أنا حطيتلك السم في الشاي من شوية ليه؟
- عيال مصريين سألوا أمهم: مين أكتر واحد رضعتيه فينا؟ قالت: أبوكم.
- عملوا جائزة مليون جنيه للي عنده 10 عيال، واحد عنده تسعة قال لمراته: أنا كنت متجوز عليكي ومعايا ولد، أروح أجيبه ونكمل العشرة ونكسب الجايزة، راح ولما رجع مالقاش العيال، سأل مراته: فين العيال؟ قالتله: كل عيل أبوه جه خده!
- واحد مصري بيسأل ابنه: إيه أكتر حاجة بتخوفك في المدرسة؟ الابن قال: الفاتورة بتاعة المصاريف!
- مرة راجل متجوز واحدة غبية قال لمراته: هنعمل جمعية، كل يوم أديكي جنيه وبوسة، جه آخر الشهر لقى معاها تسعين جنيه، قالها: إزاي ده يا ولية؟ قالتله: اسكت، مش أبو محمد جارنا دخل باسمين!
- المرور وقف واحد عربيته مخالفة، وقاله: الرقم الأمامي غير الخلفي، قاله: طبيعي، هو وشك زي قفاك؟
- واحد فتح محل فراخ، جاله مفتش التموين وسأله: بتأكل الفراخ إيه يا جحا؟ قاله: رز، قاله المفتش: مصيبتك سودا، هو حد لاقي الرز؟ غرامة 100 جنيه، تاني يوم رجع وسأله: بتأكل الفراخ إيه؟ قاله: قمح، قاله: مصيبتك سودا، هو حد لاقي القمح؟ غرامة 100 جنيه، تالت يوم سأله، قاله: ذرة، قاله: هو حد لاقي الذرة؟ غرامة 100 جنيه، رابع يوم سأله: بتأكل الفراخ إيه يا جحا؟ قاله: بدي كل فرخة جنيه وهي تاكل اللي هي عايزاه!
- واحد سأل أمه: هو فاضل قد إيه على عيد الأم؟ قالتله: أقل من أسبوعين، ليه؟ قالها: بصي يا أمي، إنتِ تستاهلي ابن أحسن مني، قالتله: أول مرة تقول حاجة صح!
